site
stats
اہم ترین

بھارتی جاسوس کی گرفتاری پر امریکی خاموشی حیران کن ہے، دفتر خارجہ

اسلام آباد: دفتر خارجہ نے امریکی وزارت خارجہ کے نائب ترجمان کے بیان پر رد عمل ظاہر کرتے ہوئے کہا ہے کہ پاکستان نے دہشت گردی کے خلاف بہت قربانیاں دی ہیں، نائب ترجمان کا بیان حقائق سے لاعلمی پر مبنی ہے، بھارتی حاضر سروس افسر کی گرفتاری پر امریکا کا اب تک کوئی بیان سامنے نہیں آیا۔

دفتر خارجہ کے ترجمان نفیس زکریا نے جاری بیان میں کہا ہے کہ امریکی وزارت خارجہ کے نائب ترجمان کے بیان کو سنجیدگی سے لیا گیا ہے ، امریکی سینیٹر جان مکین نے اسلام آباد سے واپسی پر اپنےدورے کے حوالے سے آرٹیکل بھی لکھا اور تسلیم کیا کہ دہشت گردی کے خلاف پاکستان کی قربانیاں اور اقدامات قابل تعریف ہیں، جان مکین نے خود میران شاہ کا دورہ کیا اور زمینی حقائق کا مشاہدہ کیا۔

ترجمان نے کہا کہ پاکستان میں دہشت گردی پھیلانے والے عناصر موجود ہیں، ہمسایہ ملک کا خفیہ ادارے کا حاضر سروس افسر پاکستان سے پکڑا گیا جس نے خود پاکستان میں دہشت گردی کی وارداتوں میں ملوث ملزموں کی مالی معاونت کا اعتراف کیا لیکن امریکی حکام کی جانب سے اس معاملے پر کوئی بیان سامنے نہیں آیا امریکا کی اس معاملے پر خاموشی حیران کن ہے۔

انہوں نے کہاکہ پاکستان نے دہشت گردی کے خلاف اقدامات کیے ہیں، پاکستان میں دہشت گردی کے واضح شواہد موجود ہیں اس کی قربانیوں کا اعتراف کرنے کے بجائے اس پر تنقید کرنا درست نہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top