معروف ٹیکنالوجی کمپنی ایپل نے آئی فون صارفین کی سیکیورٹی پرائیویسی کو نقصان پہنچانے پر یورپ کے خلاف قانونی چارہ جوئی کرنے کا اعلان کردیا۔
ان خیالات کا اظہار امریکا کی عالمی شہرت یافتہ ٹیکنالوجی کمپنی ایپل کے چیف ایگزیکٹو آفیسر ٹم کک نے فرانسیسی دارالحکومت میں منعقدہ ویوا ٹیک 2021 کانفرنس سے خطاب کرتے ہوئے کیا۔
ان کا کہنا تھا کہ ڈیجیٹل مارکیٹنگ ایکٹ ( ڈی ایم اے ) کے تحت آئی فون صارفین کی پرائیویسی ختم کی جارہی ہے جو کسی صورت قبول نہیں۔
ٹم کک نے کہا کہ یورپ کا مذکورہ ایکٹ موبائل فون بنانے والی کمپنیوں کے لیے خطرناک اور ٹیکنالوجی قوانین کی خلاف ورزی ہے جب کہ صارفین کے مفادات کے بھی خلاف ہے۔
کانفرنس سے خطاب کرتے ہوئے انہوں نے کہا کہ یورپ ڈی ایم اے کے ذریعے ٹیکنالوجی کمپنیوں کے اختیارات ختم کرکے مارکیٹ میں اپنی اجارہ داری قائم کرے گا جو موبائل کمپنیوں اور صارفین کے لیے خطرناک ہے۔
ایپل کے چیف ایگزیکٹو آفیسر (سی ای او) ٹم کک کا مزید کہنا تھا کہ مذکورہ قانون کا اطلاق 2023 میں ہوگا۔
