واشنگٹن : امریکا نے تمام نان امیگرنٹ ویزا انٹرویو کی چھوٹ کے لیے پیشگی شرائط کو تبدیل کر دیا، جس کے بعد درخواست دہندگان انٹرویو کے لیے حاضر ہوئے بغیر اسٹڈی اور وزٹ ویزا حاصل کر سکیں گے۔
تفصیلات کے مطابق امریکا نے ویزے کی شرائط میں نرمی کا اعلان کردیا، اس حوالے سے امریکی محکمہ خارجہ نے بتایا ہے کہ تمام نان امیگرنٹ ویزا انٹرویو کی چھوٹ کے لیے پیشگی شرائط میں تبدیلیاں کردی گئیں ہیں۔
نئی تبدیلیوں کے ساتھ درخواست دہندگان انٹرویو کے لیے حاضر ہوئے بغیر اسٹوڈنت اور وزٹ ویزا حاصل کر سکیں گے۔
محکمہ خارجہ کا مزید کہنا تھا کہ وہ درخواست دہندگان ہی ویزا انٹرویو کی چھوٹ کے اہل ہو سکتے ہیں اگر وہ نان امیگرنٹ ویزا حاصل کرتے ہیں۔
درخواست دہندگان بی ویزا کے علاوہ اپنے آخری ویزا کی میعاد ختم ہونے کے 4سال کے اندر درخواست دے رہے ہیں۔
امریکی حکام نے لوگوں کو مشورہ دیتے ہوئے کہا کہ ویزا درخواست کی ضروریات اور طریقہ کار سے متعلق مزید تفصیل کے لیے سفارت خانے اور قونصل خانے کی ویب سائٹس چیک کریں۔
واشنگٹن نے بین الاقوامی طلبا کی ایک بڑی تعداد کی حوصلہ افزائی کرتا ہے، اوراپنے بہترین تعلیمی اداروں، متنوع تعلیمی پروگراموں اور تحقیق کے مواقع کی وجہ سے اعلی تعلیم کے لیے سرفہرست مقامات میں شامل ہے.