The news is by your side.

Advertisement

مظلوم کشمیریوں کے حق میں ایک بار پھر امریکا کی آواز

واشنگٹن: امریکی محکمہ خارجہ کے ترجمان نڈپرائس کا کہنا ہے کہ جموں وکشمیر میں معاشی اور سیاسی سرگرمیاں بحال ہونی چاہئیں۔

ترجمان کے مطابق جموں و کشمیر میں ہونے والی پیشرفت اور تبدیلی پر گہری نظر ہے، کشمیر سے متعلق امریکی پالیسی میں کوئی تبدیلی نہیں آئی، پاکستان اور بھارت سے ایل اوسی پر کشیدگی کم کرنے کا مطالبہ کیا ہے۔

امریکا نے کہا کہ مسئلہ کشمیر پر پاک بھارت براہ راست مذاکرات کی حمایت جاری رکھیں گے۔

نڈپرائس کا مزید کہنا تھا کہ امریکا کے پاکستان اور بھارت دونوں سے اہم تعلقات ہیں، مشترکہ مفادات کے حصول کے لیے پاکستان سے تعاون جاری ہے۔

خیال رہے کہ مقبوضہ وادی میں بھارتی فوج کی بربریت کا سلسلہ جاری ہے۔ جبکہ آئے روز جعلی آپریشن اور چھاپوں کے دوران نہتے کشمیریوں کو شہید بھی کیا جارہا ہے۔

Comments

یہ بھی پڑھیں