The news is by your side.

Advertisement

نیب کو مطلوب اہم ملزم ایئر پورٹ سے گرفتار

کراچی: قومی احتساب بیورو (نیب) نے کراچی ایئر پورٹ پر ایک بڑی کارروائی میں مطلوب ملزم عامر اسراں کو گرفتار کر لیا۔

تفصیلات کے مطابق کراچی ایئر پورٹ سے نیب کو مطلوب ملزم ڈپٹی ڈائریکٹر پلاننگ اینڈ ڈویلپمنٹ سندھ عامر اسراں گرفتار ہو گئے، ملزم ملک سے باہر فرار تھا۔

نیب ذرائع کا کہنا ہے کہ کچھ عرصہ قبل ملزم عامر اسراں کی گرفتاری کے لیے چھاپا بھی مارا گیا تھا، اب ملزم کو ملک واپسی پر ایئر پورٹ سے گرفتار کیا گیا ہے۔

گرفتار ملزم عامر اسراں، سابق سیکریٹری فنانس اور دیگر پر 2 ارب روپے سے زائد کرپشن کا الزام ہے، جنھوں نے نیب کے مطابق حیدر آباد میں پنشن کی جعلی انٹریاں کر کے 2 ارب روپے سے زائد کی کرپشن کی۔

ملزمان کے خلاف کراچی کی احتساب عدالت میں ریفرنس دائر ہو چکا ہے، گرفتاری کے بعد ملزم کو ایئر پورٹ سے نیب ہیڈ کوارٹر منتقل کر دیا گیا۔

اے آر وائی نیوز کے مطابق ڈپٹی ڈائریکٹر پلاننگ اینڈ ڈویلپمنٹ سندھ عامر اسراں کو آج پیر کو احتساب عدالت میں منتظم جج کے سامنے پیش کیا گیا، عدالت نے ملزم عامر اسراں کو 6 مئی تک جسمانی ریمانڈ پر نیب کے حوالے کر دیا۔

Comments

یہ بھی پڑھیں