The news is by your side.

Advertisement

وزیر اعظم عمران خان کشمیریوں کیلئے جدوجہد کررہے ہیں: عامر کیانی

اسلام آباد: پاکستان تحریک انصاف کے سینئر رہنما عامر کیانی نے کہا ہے کہ وزیراعظم عمران خان کشمیریوں کیلئے جدوجہد کررہے ہیں.

ان خیالات کا اظہار انھوں نے خصوصی پریس کانفرنس میں‌ کیا. عامر کیانی نے کہا کہ کشمیر کے معاملے پر ہمیں متحد ہوکر آگے بڑھناچاہیے.

عامرکیانی کا کہنا تھا کہ مقبوضہ کشمیرکی صورتحال پر حکومت کی مکمل توجہ ہے، کسی کو بھی مقبوضہ کشمیر کے معاملے پر سیاست نہیں کرنی چاہیے.

سابق وفاقی وزیر صحت نے کہا کہ کشمیر پر سیاست کے بجائے اپوزیشن کو اپنے معاملات ٹھیک کرنے چاہییں، اپوزیشن رہنماؤں پرکیسز ہماری حکومت نے نہیں بنائے، ہمیں مورد الزام ٹھہرانا مناسب نہیں.

عامرکیانی کا کہنا تھا کہ اپوزیشن رہنماؤں کے کیسز عدالتوں میں ہیں، وہ ان کا سامنا کریں.

مزید پڑھیں: وزیراعظم عمران خان کا یوم آزادی کشمیریوں کیساتھ منانے کا فیصلہ

انھوں نے مزید کہا کہ مقبوضہ کشمیر پر پاکستان اور قوم کا مؤقف ایک ہے، مقبوضہ کشمیر میں بھارت کی جانب سے مظالم کئے جارہے ہیں.

خیال رہے کہ بھارت نے غیر قانونی، غیر آئینی اقدام کرتے ہوئے کشمیر کی خصوصی اہمیت ختم کر دی ہے. مودی سرکار نے آرٹیکل 370 کو ختم کرتے ہوئے کشمیر کو دو حصوں میں تقسیم کر دیا ہے.

البتہ ہزاروں کشمیروں نے کرفیو کے باوجود بھرپور احتجاج کرتے ہوئے اس عمل کو یکسر رد کر دیا ہے.

Comments

comments

یہ بھی پڑھیں