The news is by your side.

Advertisement

آج پیپلزپارٹی کو بتائیں گے کہ دوبارہ یہاں جلسہ کرنے نہ آئیں،عامر خان

کراچی : ایم کیو ایم پاکستان کے رہنما عامر خان نے کہا کہ آج پیپلز پارٹی کوبتائیں گےکہ دوبارہ یہاں جلسہ کرنےنہ آئیں،کراچی اورلیاقت آباد کےعوام اتحادثابت کردیں گے۔

تفصیلات کے مطابق ایم کیو ایم پاکستان کے رہنما عامر خان نے ٹنکی گراؤنڈ میں میڈیا سے گفتگو کرتے ہوئے کہا کہ آج کا جلسہ روایت کے مطابق شایان شان ہوگا، کراچی اورلیاقت آباد کےعوام اتحادثابت کردیں گے، آئندہ انتخابات پہلے سے زیادہ نشستیں لیں گے۔

عامر خان کا کہنا تھا کہ آج پیپلز پارٹی کوبتائیں گےکہ دوبارہ یہاں جلسہ کرنےنہ آئیں، پیپلزپارٹی والے یہ سمجھ کر آئے تھے کہ تقسیم سے فائدہ اٹھائیں گے۔

انھوں نے کہا کہ کامران ٹیسوری موضوع گفتگو نہیں ہیں، جلسےمیں آخری خطاب پرحیرانی نہیں ہوگی، ہوسکتا ہے میں خطاب کروں۔

یاد رہے گذشتہ روز اے آروائی نیوز سے خصوصی گفتگو کرتے ہوئے عامر خان کا کہنا تھا کہ سندھ میں کیا کارکردگی دکھائی پیپلزپارٹی کو جواب دینا چاہئے، پیپلزپارٹی کی حکومت 10 سال سے ہے کراچی کے لیے کیا کام کئے؟ کراچی اور سندھ میں تباہی کی ذمہ دار پیپلزپارٹی ہے۔


مزید پڑھیں : کل کے جلسے میں دکھائیں گے ایم کیو ایم کتنی مضبوط ہے،عامر خان 


عامر خان کا کہنا تھا کہ ہم سب کو مل کر ایم کیو کو مضبوط کرنا ہوگا، مخالفین ایم کیو ایم کو توڑنے اور ختم کرنے کی سازش کررہے ہیں، الیکشن آتے ہیں ایم کیو ایم کو دباؤ کا سامنا کرنا پڑتا ہے، الیکشن سے پہلے تاثر دیا جاتا ہے کہ ایم کیو ایم تقسیم ہورہی ہے۔

ایم کیو ایم پاکستان کے رہنما نے کہا تھا کہ کل کے جلسے میں دکھائیں گے ایم کیو ایم کتنی مضبوط ہے، ایم کیو اییم پاکستان الیکشن میں پتنگ کے نشان پر اونچی اُڑان اڑے گی۔

ان کا مزید کہنا تھا کہ 5 فروری کو جو صورتحال سامنے آئی وہ تکلیف دہ تھی، پہلے دن سے کوشش تھی فاروق ستار سے بات کریں، ہماری کوشش تھی فاروق ستار آئیں اور پارٹی چلائیں، ان کے آنے سے دنیا میں مثبت پیغام گیا ہے


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں