The news is by your side.

Advertisement

کنگ آف رنگ عامر خان آج 2 سال بعد رنگ میں اتریں گے

لندن : پاکستانی نژاد برطانوی باکسر عامر خان آج دو سال بعد رنگ میں اتریں گے، ویلٹر ویٹ کیٹگری کیلئے ان کا مقابلہ کینیڈ ین باکسر سے ہوگا۔

تفصیلات کے مطابق کنگ آف رنگ عامر خان مکے برسانے کے لئے تیار ہیں اور اس بار کینیڈین باکسر فل لوگریکو ان کے شکار ہوں گے، لیور پول کے ایکو آرینا میں آج رات سنسنی خیز مقابلہ ہوگا۔

شائقین کنگ خان کو ایکشن میں دیکھنے کیلئے بے تاب ہے ، دونوں باکسرز نے ٹائٹل کیلئے کمر کس لی ہے۔

یاد رہے کہ دونوں باکسرزمیں فائٹ سے پہلے جھڑپ ہوچکی ہے، عالمی شہریت یافتہ باکسرز نئی فائٹ کے حوالے سے پریس کانفرنس کرنے بیٹھے تو اسی دوران لوگریکو نے عامر خان کی اہلیہ اور اُن کی نجی زندگی کے بارے میں نازیبا کلمات ادا کیے۔

جس پر عامر خان پہلے تو مسکراتے رہے اور پھر جب غصہ برداشت سے باہر ہوا تو نیوز کانفرنس میں حریف باکسر پر پانی بھی پھینک دیا اور مکے برسانے شروع کردیے تھے تاہم اسی دوران کچھ لوگوں نے بیچ بچاؤ کروا کے معاملہ رفع دفع کروایا تھا۔


مزید پڑھیں :  امید ہے کہ بہتر کھیل پیش کروں، عامر خان 


عامر خان کا کہنا تھا کہ ذاتی حملوں کا جواب وہ کینیڈین حریف کو رنگ میں دیں گے، نئے کوچ مجھے ٹریک پر لانے کے لئے بھرپور مدد کر رہے ہیں اور امید ہے کہ بہتر کھیل پیش کروں۔

عامر خان مئی 2016 میں آخری مرتبہ میکسیکو کے باکسر کنیلو الویراز کے مدمقابل آئے تھے اور اس مقابلے میں انہیں شکست ہوئی تھی۔

خیال رہے کہ باکسر عامر خان کہ کیرئیر کی یہ چھتیسویں فائٹ ہوگی، اب تک وہ اکتیس بار فائٹ اپنے نام کرچکے ہیں اور 4 میں شکست کا سامنا کرنا پڑا جبکہ انیس مقابلوں میں انہوں نے حریفوں کو ناک آؤٹ کیا۔

دوسری جانب کینیڈین باکسرکی یہ 32ویں فائٹ ہو گی۔ اس سے پہلے وہ 28 میں کامیاب رہے جبکہ 15 باکسرز کو ناک آؤٹ کیا۔

ماہرین آج کی فائٹ میں عامر خان کو فیورٹ قرار دے رہے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں