The news is by your side.

Advertisement

بہو فریال سے کوئی تعلق نہیں رکھنا چاہتے، باکسر عامر خان کے والد

لاہور : باکسرعامرخان کی نجی زندگی میں ایک اور ٹوئسٹ آگیا ، باکسر عامرخان نے والد کو مینجر کے عہدے سے فارغ کردیا، جس پر عامرکے والد سجاد خان بہوفریال کے خلاف پھٹ پڑے اور بہو سے قطع تعلقی کا اعلان کردیا۔

تفصیلات کے مطابق عامرخان کے گھریلو رنگ میں جاری فائٹ میں ایک بار پھر شدت آگئی، عامرخان نے والد کو مینجر کے عہدے سے فارغ کیا تو دلبرداشتہ والد نے بہو کو فیصلے کا ذمہ دارقرار دے دیا اور کہا کہ فریال سے کبھی بھی بات نہیں کروں گا۔

amir-2

برطانوی اخبار کے مطابق عامرخان کے والد سجاد خان کا کہنا ہے کہ جو کچھ ہوا توہین آمیز ہے، فریال کے کہنے پر عامر نے مینجر شپ سے فارغ کیا، بہو فریال سے کوئی تعلق نہیں رکھنا چاہتے۔


مزید پڑھیں : عامر خان، فریال کو طلاق دے کر ہی رہے گا، باکسر عامر خان کے والد


عامرخان کے خاندان کا کہنا ہے کہ عامراوران کی بیٹی کا ہمیشہ استقبال کریں گے لیکن بہوفریال کو نہیں، عامرخان ان دنوں اپنی بیوی اور بیٹی کے ساتھ امریکا میں رہائش پذیر ہیں۔

دوسری جانب باکسر عامرخان نے کہا کہ وہ اپنے والدین کا احترام کرتے ہیں لیکن کاروباراور خاندان ساتھ نہیں چل سکتے، باکسنگ کی وجہ سے انہوں نے اب تک خود کو قابو میں رکھا ہوا ہے اگر وہ باکسر نہ ہوتے تو خاندانی جھگڑوں کی وجہ سے پاگل ہو چکے ہوتے۔


مزید پڑھیں : گھر والوں یا مجھ میں سے کسی ایک کا انتخاب کرلو، باکسر عامر خان کی بیوی کا الٹی میٹم


یاد رہے کہ حال ہی میں باکسر عامر خان کی بیوی کا الٹی میٹم دے چکی ہے کہ گھر والوں یا مجھ میں سے کسی ایک کا انتخاب کرلو۔

خیال رہے کہ کچھ دن قبل متنازعہ عامر خان کی متنازع ویڈیو لیکس اور خاندانی معاملات میں بگاڑ کے باعث باکسرنے اپنے بھائی ہارون خان کی شادی میں بھی شرکت نہیں کی تھی۔

واضح رہے کہ فریال مخدوم کے سسرال والوں کے ساتھ تعلقات اس وقت کشیدہ ہوئے، جب انہوں نے سوشل میڈیا پر تصویریں شیئر کیں اور سسرالیوں پر الزام لگایا کہ وہ ان کی شادی تباہ کرنا چاہتے ہیں۔

Print Friendly, PDF & Email

Comments

comments

یہ بھی پڑھیں