site
stats
اہم ترین

ڈاکٹر عامر لیاقت حسین کا ایم کیو ایم چھوڑنے کا اعلان

کراچی: ڈاکٹر عامر لیاقت حسین نے متحدہ قومی موومنٹ چھوڑنے کا اعلان کرتے ہوئے کہا ہےکہ میں وضاحتیں دے دے کر تھک گیا ہوں، میں ذاتی طور پر بھی بہت پریشان ہوں میرے پاس الفاظ نہیں کہ میں کیا بیان دوں اور کیا کہوں اس لیے آج سے پارٹی اور سیاست چھوڑ رہا ہوں۔


Dr. Aamir Liaquat Hussain announces to leave MQM by arynews

یہ بات انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے بات کرتے ہوئے کہی۔ پروگرام میں پیپلز پارٹی کی جانب سے شازیہ مری اور متحدہ کے کنویئنر ندیم نصرت بھی ٹیلی فونک رابطے کے ذریعے موجود تھے۔

 عامر لیاقت حسین نے کہا کہ الطاف بھائی جب اپنے لفظوں پر قابو نہیں پاسکتے اور بار بار معافی مانگتے ہیں تو انہیں خو دبھی پارٹی سے کنارہ کشی اختیار کرنی چاہیے اور تقریر کے بجائے کتاب لکھنی چاہیے۔


Amir Liaquat says decisions will be taken with… by arynews

 ایک سوال پر انہوں نے کہا کہ اگر ایم کیو ایم نے الطاف حسین کو سائیڈ لائن لگانے کا اعلان کردیا ہے اور بعد میں الطاف بھائی دوبارہ واپس آنا چاہیں تو انہیں واپس نہیں لینا چاہیے ایم کیو ایم کو اپنے فیصلے پرقائم رہنا چاہیے۔

قبل ازیں کاشف عباسی کے پے درپے سوالات کے جوابات میں عامر لیاقت خاصے پریشان نظر آئےاور انہوں نے متضاد بیانات دیے، ان کا ہر بیان پچھلے بیان کو تحفظ دیتا ہوا یا نفی کرتا ہوا نظر آیا۔

ایم کیو ایم چھوڑنے کا اعلان انہوں نے پروگرام کے اختتام سے کچھ دیرکیا تاہم پروگرام کے دوران ڈاکٹر عامر لیاقت حسین نے کہا ہے الطاف حسین بدستور پارٹی کے قائد ہیں، یہ کہنا درست نہیں کہ مائنس ون فارمولے کے تحت الطاف حسین کو پارٹی سے الگ کردیا گیا، انہیں صر ف آرام کرنے کا کہا ہے اب وہ کسی فیصلے میں مداخلت نہیں کریں گے۔


PPP’s Shazia Marri condemns ‘anti-Pakistan… by arynews

عامر لیاقت حسین کا کہنا تھا کہ لندن رابطہ کمیٹی میں موجود لوگ ایم کیو ایم پاکستان کا حصہ ہیں ، ایم کیو ایم لندن اور ایم کیو ایم پاکستان مل کر فیصلے کریں گے یعنی فیصلے پاکستان میں ہوں گے تاہم لندن کی رابطہ کمیٹی کو فیصلے میں شامل کیا جائےگا۔

انہوں نے کہا کہ فیصلوں میں الطاف حسین کی توثیق شامل نہیں ہوگی کیوں کہ الطاف بھائی خود سائیڈ لائن ہونا چاہ رہے ہیں اور انہوں نے خود ہی لاتعلقی کا اظہار کیا ہے تاہم وہ بدستور ایم کیو ایم کے قائد ہیں ہم نے قائد سے نہیں قائد کے پاکستان مخالف بیان سے لاتعلقی کا اظہار کیا ہے۔

انہوں نے کہا کہ میں وضاحتیں کرکر کے تھک گیا ہوں ممکن ہے سیاست ہی چھوڑ دوں،رابطہ کمیٹی سے مشاورت کے بعد فاروق ستار نے لاتعلقی کا اظہار کیا۔

عامر لیاقت کاشف عباسی کے پے درپے سوالات پر گھبرا گئے اور وضاحتیں پیش کرنے لگے، سوالات کے جواب دیتے ہوئے عامر لیاقت نے کاشف عباسی کو یقین دلایا کہ اب معاملات کراچی اور لندن رابطہ کمیٹی ہی دیکھے گی الطاف بھائی اب کسی معاملے میں نہیں بولیں گے، انہیں کہہ دیا ہے کہ وہ آرام کریں اور وہ خود بھی علیحدہ ہوناچاہتے ہٰں اس لیے وہ اب کسی فیصلے میں مداخلت نہیں کریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top