رکن قومی اسمبلی اور معروف مذہبی رہنما عامر لیاقت حسین کے انتقال پر شوبز شخصیات کی جانب سے بھی اظہار افسوس کیا گیا ہے۔
معروف اداکار و میزبان فیصل قریشی نے اپنے ٹوئٹ میں لکھا کہ ’خدا حافظ عامر بھائی،‘ بعدازاں اداکار نے یہ ٹوئٹ ڈیلیٹ کرکے دوسرا ٹوئٹ کیا۔
عاصم اظہر کی منگیتر و اداکارہ میرب علی نے بھی لکھا کہ ’پہلا اسٹیپ لوگوں پر میمز بنائیں، دوسرا خود خدا بن کر ان کے گناہوں کی سزا انہیں دو، تیسرا جب اس دنیا سے چلے جائیں تو افسوس کی پوسٹ لگاؤ اور پھر اس بے بس ٹرولنگ کو ختم کون کرے گا۔‘
صنم بلوچ نے شعر لکھ کر ان کے انتقال پر افسوس کا اظہار کیا اور لکھا کہ ’مرجائے تو بڑھ جاتی ہے انسان کی قیمت، زندہ رہے تو جینے کی سزا دیتی ہے دنیا۔
مرجائے تو بڑھ جاتی ہے انسان کی قیمت
زندہ رہے تو جینے کی سزا دیتی ہے دنیا pic.twitter.com/6hv6RktqUf— Sanam Baloch (@SanamBalochfans) June 9, 2022
اداکارہ زارا نور عباس نے کہا کہ ’ سوشل میڈیا لوگوں کو برباد کر سکتا ہے اور انہیں کھوکھلے پن میں ڈال سکتا ہے۔‘
اُنہوں نے عامر لیاقت کے ناقدین کو کرارا جواب دیتے ہوئے کہا کہ ’اب اُن کے اچانک انتقال پر سب حیران کیوں ہیں؟‘
زارا نور عباس نے سوالیہ انداز میں کہا کہ ’کیا عامر لیاقت کی حالیہ ویڈیوز اس طرف رہنمائی نہیں کرتی تھیں کہ اُن کی حالت کیا ہے؟
اداکارہ ارمینہ خان نے اپنے سوشل میڈیا پیغام میں کہا کہ ’ہم ایسا منصوبہ بناتے ہیں جیسے ہم ہمیشہ زندہ رہنے والے ہیں لیکن ہمیں اگلے لمحے کا پتہ نہیں ہوتا۔‘
اداکارہ ارمینہ خان نے اپنے سوشل میڈیا پیغام میں کہا کہ ’ہم ایسا منصوبہ بناتے ہیں جیسے ہم ہمیشہ زندہ رہنے والے ہیں لیکن ہمیں اگلے لمحے کا پتہ نہیں ہوتا۔‘
اُنہوں نے عامر لیاقت کے انتقال کی خبر پر دُکھ کا اظہار کرتے ہوئے کہا کہ ’زندگی ایک پل میں چھین لی جا سکتی ہے۔‘
We plan as if we’re going to live forever but aglay lamhay ka pata nahi hota. Life can be taken away in an instant. Shocking! #amirliaquat
— Armeena ✨ (@ArmeenaRK) June 9, 2022
اداکار اور یوٹیوبر ارسلان نصیر نے لکھا کہ عوام کی تعریفیں حاصل کرنے کے لیے بس زیادہ نہیں بس مرنا پڑتا ہے۔
واضح رہے کہ ایم این اے عامر لیاقت حسین کراچی میں انتقال کر گئے، اسپتال منتقلی کے بعد ڈاکٹرز نے اُن کی موت
کی تصدیق کی۔
عامر لیاقت حسین کو تشویشناک حالت میں اسپتال منتقل کیا گیا تھا جہاں ڈاکٹرز نے معائنے کے بعد انتقال کی تصدیق کی۔