The news is by your side.

Advertisement

عمران خان نے 5 سال میں خیبر پختونخوا کا حال برا کردیا ہے، امیر مقام

پشاور: مسلم لیگ ن کے رہنما امیر مقام نے کہا ہے کہ خیبر پختونخوا اور پنجاب حکومت کی کارکردگی عوام کے سامنے ہے، عمران خان نے 5 سال میں خیبر پختونخوا کا برا حال کردیا ہے۔

ان خیالات کا اظہار انہوں نے پشاور میں ورکرز کنونشن سے خطاب کرتے ہوئے کیا، امیر مقام نے کہا کہ عمران خان کی نام نہاد اصولی سیاست کا بھانڈا پھوٹ چکا ہے، انہوں نے دیرینہ کارکنوں کو چھوڑ کر باہر کے لوگوں کو ٹکٹ دئیے، عمران خان پرویز خٹک سے پوچھیں کتنے پیسے لے کر ٹکٹ جاری کیے۔

ن لیگ کے رہنما نے کہا کہ ملک کے آئندہ وزیر اعظم شہباز شریف ہوں گے، ہمیں حکومت ملی تو پشاور کو لاہور جیسی ترقی دیں گے، تحریک انصاف نے خیبر پختونخوا کا بیڑا غرق کردیا ہے۔

امیر مقام نے کہا کہ خیبرپختونخوا کے عوام اب تحریک انصاف کے ساتھ نہیں ہیں، خیبرپختونخوا کی عوام نے احتجاجی سیاست کے ایجنڈے کو مسترد کردیا ہے، کے پی کے کی غیور عوام نواز شریف کے پاکستان کے ویژن کو جانتی ہے،

واضح رہے کہ امیر مقام کا کہنا تھا کہ ہمارا جینا مرنا نواز شریف کے ساتھ ہے نواز شریف کو ن لیگ کا قائد مانتے ہیں، عمران خان دیکھ لیں کہ عوام کے کس کے ساتھ ہیں، پاکستان کے عوام آج بھی کہتے ہیں کہ نواز شریف ہی ہمارا قائد ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں