لاہور: پی ایس ایل 7 کے اٹھارویں میچ میں گلیڈی ایٹرز کے کپتان سرفراز احمد کی شاندار اننگز کی بدولت کوئٹہ نے اسلام آباد یونائیٹڈ کو 5 وکٹوں سے شکست دی۔
اسلام آباد یونائیٹڈ نے مقررہ اوورز میں 199 رنز بنائے تھے اور کوئٹہ گلیڈی ایٹرز جیت کے لیے 200 رنز کا ہدف دیا جو کوئٹہ نے سرفراز احمد کی ناقابل شکست نصف سنچری کی اور عمر اکمل کے دھواں دھار 23 رنز کے بدولت آخری اوور میں حاصل کرلیا۔
سرفراز احمد کی شاندار اننگز کی تعریف جہاں ساتھی کھلاڑی کررہے ہیں وہیں سوشل میڈیا صارفین بھی سرفراز کو داد دیے بغیر نہ رہ سکے۔
محمد عامر نے سماجی رابطے کی ویب سائٹ ٹویٹر پر لکھا کہ ’ویل ڈن سرفراز احمد، بابو نام سن کر فلاور سمجھا کیا بابو ہے بابو جھکے گا نہیں۔‘
welldone @SarfarazA_54. babu name sun k flower samja kia babu hai babu jhukay ga ni🙌🙌🙌🙌🙌🙌
— Mohammad Amir (@iamamirofficial) February 12, 2022
اظہر علی نے سرفراز احمد کو مخاطب کرتے ہوئے لکھا کہ ’بھیا کیا اننگ تھی مزہ آگیا۔
Bhayya what an innings mazza agia… 👏👏👏 ❤️🤗 @SarfarazA_54 https://t.co/qdNkbSKN5W
— Azhar Ali (@AzharAli_) February 12, 2022
واضح رہے کہ سرفراز احمد کو ناقابل شکست نصف سنچری اسکور کرنے پرمیچ کا بہترین کھلاڑی قرار دیا گیا۔
