امیتابھ کی طبیعت خراب، اسپتال میں داخل amitabh admit in hospital
The news is by your side.

Advertisement

امیتابھ کی طبیعت خراب، اسپتال میں داخل

ممبئی: بالی ووڈ کے لیجنڈری اداکار امیتابھ بچن کی اچانک طبیعت ناساز ہوئی جس کے بعد انہیں اسپتال منتقل کردیاگیا۔

بھارتی میڈیا کے مطابق لیجنڈری اداکار ممبئی میں اپنی رہائش گاہ پر موجود تھے کہ اچانک اُن کی کمر اور گردن میں شدید درد اٹھا جس کے بعد اہل خانہ انہیں لیلاوتی اسپتال لے کر پہنچے۔

خاندانی ذرائع کے مطابق امتابھ بچن معمول کے مطابق ڈاکٹر کو دکھانے گئے تھے مگر اُن کی طبیعت کو مدنظر رکھتے ہوئے اسپتال انتظامیہ نے داخل کرلیا۔

مزید پڑھیں: امیتابھ نے‌ ٹویٹر کو خیرباد کہہ دیا، 33 لاکھ مداح غمزدہ

اسپتال انتظامیہ کے مطابق 75 سالہ بالی ووڈ لیجنڈری اداکار کے کچھ ٹیسٹ اور اینڈو اسکوپی کروائی گئی جس کی رپورٹ کو ڈاکٹرز نے تسلی بخش ضرور قرار دیا مگر اداکار کو مکمل آرام کا مشورہ بھی دیا۔

موصول ہونے والی کچھ اطلاعات کے مطابق بگ بی کی اسپتال سے چھٹی کردی گئی تاہم اب تک بچن خاندان نے طبیعت ناسازی یا رخصت کی کوئی تصدیق یا تردید نہیں کی۔

واضح رہے کہ امیتابھ بچن کا 2012 میں پیٹ کا آپریشن ہوا تھا جس کے بعد وہ 12 روز تک اسپتال میں داخل رہے تھے، ڈاکٹرز کے مطابق بگ بی کو جگر کا عارضہ لاحق ہے۔

یاد رہے کہ امیتابھ بچن نے اب تک کے فلمی کیریئر میں سیکڑوں فلموں میں اپنی اداکاری کے جوہر دکھائے علاوہ ازیں انہوں نے گلوکاری کے جوہر بھی دکھائے ہیں یہی وجہ ہے کہ طبیعت ناسازی کی خبر سنتے ہی دنیا بھر میں موجود اُن کے مداحوں نے جلد صحت یابی کے لیے نیک خواہشات کا اظہار کیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں