بالی ووڈ کے شہنشاہ امیتابھ بچن کے ہمشکل شخص کی ویڈیو سوشل میڈیا پر وائرل ہوگئی۔
معروف بھارتی اداکار امیتابھ بچن کے ہمشکل کی ویڈیو سوشل میڈیا پر وائرل ہورہی ہے جسے دیکھ کر ان کے مداح بھی حیران رہ گئے۔
بھارتی میڈیا کے مطابق ششی کانت نامی شخص کا تعلق پونے سے ہے جو پیشے کے لحاظ سے ایک پروفیسر ہیں تاہم شکل امیتابھ بچن جیسی ہونے کے سبب سوشل میڈیا پر ان کی مقبولیت میں خاصہ اضافہ ہو رہا ہے۔
View this post on Instagram
ویڈیوز میں ششی کانت بالکل امیتابھ جیسا اسٹائل اپنائے ہوئے ہیں جسے دیکھ کر کوئی بھی شخص دھوکا کھا سکتا ہے۔
دلچسپ بات یہ ہے کہ ششی کانت ناصرف امیتابھ بچن کی طرح دکھائی دیتے ہیں بلکہ ان کی چال ڈھال بھی بالکل اداکار جیسی ہے۔
View this post on Instagram
سوشل میڈیا صارفین نے مزاحیہ انداز میں تبصرہ کرتے ہوئے کہا ہے کہ فلم سازوں کو چاہیے کہ امیتابھ بچن کی جگہ شاشھی کانت کو کاسٹ کرلیں اس طرح ان بجٹ بھی کم ہوگا اور کافی پیسے بھی بچیں گے۔
واضح رہے کہ اس سے قبل سلمان خان کے ہمشکل کی ویڈیو بھی سوشل میڈیا پر وائرل ہوگئی تھی جسے دیکھ کر مداح حیران رہ گئے تھے۔