مسحور کن گفتگو کرنے کی خواہش ہے، امتیابھ بچن Amitabh Bachan
The news is by your side.

Advertisement

مسحور کن گفتگو کرنے کی خواہش ہے، امتیابھ بچن

ممبئی: بالی ووڈ کے معروف اداکار امیتابھ بچن نے کہا ہے کہ مسحور کن گفتگو کرنا ایک ہنر ہے، ایسی بات چیت کرنا میرے لیے ہمیشہ سے ہی مشکل رہا ہے۔

تفصیلات کے مطابق بگ بی نے اپنے حالیہ بلاگ میں کہا کہ مسحور کُن گفتگو کرنا ایک فن ہے جو میرے لیے ہمیشہ سے ہی ایک اسرار کادرجہ رکھتی ہے۔ امتیابھ بچن نے کہا کہ جو لوگ اپنی گفتگو سے دوسروں کو مسحور کرلیتے ہیں وہ میرے لیے نہایت اہمیت کے حامل ہیں کیونکہ میں بھی اُن کی طرح ہونا چاہتا ہوں مگر افسوس ہے اس میں ابھی تک کامیابی حاصل نہیں ہوئی۔

پڑھیں: امیتابھ بچن اور عامر خان پہلی بار ایک ساتھ فلم میں جلوہ گرہوں گے

انہوں نے کہا کہ یہی ایک ہنر ہے جو مجھے نہیں آتا تاہم خواہش ہے میں بھی یہ آرٹ سیکھ لوں اور لوگوں کو اپنی گفتگو سے مسحور کرسکوں، جب ایسے لوگوں سے میرا سامنا ہوتا ہے تو میں انہیں دیکھ کر بہت حیران ہوتا ہوں۔

مزید پڑھیں: بھارتی نیشنل فلم ایوارڈ، امیتابھ بچن، کنگنا بہترین اداکار قرار

یاد رہے امیتابھ بچن نے بالی ووڈ میں اداکاری کے جوہر دکھائے اور کامیابیاں سمیٹیں، بگ بی کے بیٹے بھی بالی ووڈ کی کئی فلموں میں اداکاری کے جوہر دکھا چکے ہیں۔ واضح رہے امتیابھ بچن آج کل اپنی نئی آنے والی فلم ’ٹھگس آف انڈیا‘ کی شوٹنگ مکمل کر کے ممبئی واپس آئے ہیں۔ ٹھگس آف انڈیا میں امیتابھ کے ساتھ عامر خان، کترینہ اور دیگر فنکار بھی اداکاری کرتے نظر آئیں گے۔

Comments

comments

یہ بھی پڑھیں