بالی ووڈ فلم انڈسٹری کے لیجنڈ اداکار امیتابھ بچن نے انکشاف کیا ہے کہ وہ اہلیہ جیا بچن کی ایک فون کال سے پریشان ہوجاتے ہیں۔
امیتابھ بچن اس وقت کون بنے گا کروڑ پتی کے سولہویں سیزن کی میزبانی کر رہے ہیں، صدی کے سپر اسٹار نے 82 سال کی عمر میں بھی کام جاری رکھ کر بہت سے لوگوں کو متاثر کیا۔
تاہم ان کی کامیابی کا ایک بڑا حصہ ان کی اہلیہ جیا بچن کو جاتا ہے، جو اپنے خاندان اور گھر کی دیکھ بھال کرتی رہی ہیں، امیتابھ بچن نے کئی بار شیئر کیا ہے کہ وہ اپنی بیوی جیا سے ڈرتے ہیں اور اب انہوں نے انکشاف کیا ہے کہ وہ اپنی بیوی کی کالوں سے بھی پریشان ہو جاتے ہیں۔
امیتابھ بچن نے کہا کہ کبھی کبھی ایسا ہوتا ہے کہ میں کوئی ایسی بات یا حرکت کر دیتا ہوں جس پر مجھے جیا جی کی ناراضی کا سامنا کرنا پڑتا ہے، اس لیے جب ان کا فون آتا ہے، تو مجھے لگتا ہے کہ اب کچھ سننے کو ملے گا۔
امیتابھ بچن نے شو میں ایک اور واقعہ سنایا کہ حال ہی میں جیا گوا میں ایک فلم کی شوٹنگ کر رہی تھیں تو اس دوران انہوں نے مجھے فون کیا، عام طور پر ہم میسج کے ذریعے بات کرتے ہیں، لیکن اس بار انہوں نے کال کی، تو میں گھبرا گیا۔
امیتابھ بچن نے مزاحیہ انداز میں کہا کہ جب میں نے کال اٹھائی، تو جیا بچن بنگالی بولنے لگیں جس پر میں صرف ہاں، ہاں کہتا رہا لیکن بعد میں انہیں بتایا کہ میں کچھ بھی نہیں سمجھ سکا۔
امیتابھ بچن نے شو کے دوران کہا کہ جب کوئی مہمان آتا ہے اور ہمیں ایک دوسرے سے کوئی ضروری بات کرنی ہوتی ہے تو جیا ہمیشہ بنگالی میں بولتی ہیں، اور میں دکھاوا کرتا ہوں کہ میں سمجھ رہا ہوں، لیکن میں واقعتاً ایسا نہیں ہوتا مجھے زیادہ سمجھ نہیں آتی۔
اسی دوران اداکار نے شو کے شرکا کیساتھ ایک یادگار قصہ شیئر کرتے ہوئے بتایا کہ ایک کمپنی نے مجھے بنگالی زبان سیکھنے کے لیے پیسے دیے تھے، لیکن میں نے تین دن میں ہی سارا پیسہ خرچ کردیے۔
بالی ووڈ اداکار نے مزید کہا اگر آپ مجھ سے آج بنگالی بولنے کو کہیں تو میں صرف دو الفاظ جانتا ہوں، بیشی جانے نا، ایکٹو ایکٹو جانے (زیادہ نہیں جانتا، تھوڑا بہت سمجھتا ہوں)۔
یاد رہے کہ امیتابھ بچن اور جیا بچن کو شادی کے 51 سال مکمل ہو چکے ہیں، اور ان کی شادی کئی لوگوں کے لیے ایک مثال ہے۔
