The news is by your side.

Advertisement

امیتابھ نے‌ ٹویٹر کو خیرباد کہہ دیا، 33 لاکھ مداح غمزدہ

ممبئی: بالی ووڈ کے لیجنڈ اداکار امتابھ بچن نے ٹویٹر کی دنیا چھوڑنے کا اعلان کرتے ہوئے اپنے 33 لاکھ مداحوں کو غمزدہ کردیا۔

تفصیلات کے مطابق امیتابھ بچن (بگ بی) کا شمار بھارت کی دوسری بڑی اُس شخصیت میں ہوتا ہے جن کے سماجی رابطے اور مائیکرو بلاگنگ کی ویب سائٹ پر لاکھوں فالورز موجود ہیں۔

بھارتی وزیراعظم نریندر مودی اس وقت سب سے زیادہ فالورز کے ساتھ سرفہرست تو ہیں مگر اُن کے بعد سماجی رابطے کی ویب سائٹ پر مشہور شخصیت امیتابھ بچن ہیں جنہوں نے اب ٹویٹر کی دنیا کو خیر باد کرنے کا فیصلہ کرلیا۔

مزید پڑھیں: امیتابھ بچن اور عامر خان پہلی بار ایک ساتھ فلم میں جلوہ گرہوں گے

ایک روز قبل بگ بی نے ٹویٹر انتظامیہ پر برہمی کا اظہار کرتے ہوئے کہا کہ ‘آپ نے میرے فالورز کی تعداد جان بوجھ کر کم کردی جو کسی بھی مذاق سے کم نہیں ہے‘۔

انہوں نے ٹویٹر کی دنیا کو چھوڑنے کا فیصلہ کرتے ہوئے کہا کہ ’اب وقت ہے کہ ٹویٹر کی دنیا چھوڑ دی جائے کیونکہ اور بھی دیگر سماجی رابطے کی ویب سائٹس ہیں جہاں اس سے زیادہ سہولیات موجود ہیں‘۔

بالی ووڈ لیجنڈری اداکار نے مائیکرو بلاگنگ کی ویب سائٹ چھوڑنے سے قبل اپنی 27 سال پرانی تصویر ’ہم‘ کے پوسٹرز جاری کیے، امیتابھ کے اچانک اعلان کر اُن کے مداح بہت حیران ہیں۔

واضح رہے کہ امیتابھ بچن نے اب تک کے فلمی کیریئر میں سیکڑوں فلموں میں اپنی اداکاری کے جوہر دکھائے علاوہ ازیں انہوں نے گلوکاری کے جوہر بھی دکھائے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئرکریں۔

Print Friendly, PDF & Email

Comments

comments

یہ بھی پڑھیں