The news is by your side.

”ڈان 3“ میں شاہ رخ، امیتابھ اور رنویر کے ایک ساتھ نظر آنے کا امکان

ممبئی: بالی وڈ کی مشہور زمانہ فلم ”ڈان“ کی تیسری قسط کے لیے شاہ رخ خان، امتیابھ بچن اور رنویر سنگھ کے اسکرین پر ایک ساتھ نظر آنے کا امکان ہے۔

میڈیا رپورٹس کے مطابق شائقین ”ڈان 3“ کا بے چینی سے انتطار کر رہے ہیں۔ فلم ڈائریکٹر فرحان اختر کے اسکرپٹ پر دوبارہ کام کرنے کی افوائیں سامنے آنے کے بعد سے اس کی کاسٹ کے بارے میں سوشل میڈیا پر قیاس آرائیوں کا بازار بھی گرم ہے۔

1978 میں ریلیز ہونے والی پہلی قسط میں امیتابھ بچن جبکہ دوسری میں شاہ رخ خان نے مرکزی کردار ادا کیا تھا۔ اب فرحان اختر تیسرے قسط میں بھی دونوں کو لانے کا ارادہ رکھتے ہیں۔

کہا جا رہا ہے کہ شاہ رخ خان نے حال ہی میں ڈائریکٹر کے دفتر کا دورہ کیا جہاں انہیں ”ڈان 3“ کا اسکرپٹ دکھایا گیا لیکن انہوں نے ڈائریکٹر اسکرپٹ کو دوبارہ لکھنے کے فیصلہ پر اعتراض اٹھایا ہے۔

فرحان اختر تیسری قسط میں رنویر سنگھ کو لانے کا فیصلہ کر چکے ہیں۔ شاہ رخ خان کے ڈان کے کردار کی ذمہ داری رنویر سنگھ کو سونپی جائے گی تاکہ وہ مستقبل میں مشہور کردار ادا کر سکیں۔

واضح رہے کہ ”ڈان 3“ اب تک کی سب سے زیادہ انتظار کی جانے والی فلموں میں سے ایک ہے اور اگر شاہ رخ خان کے ساتھ امیتابھ بچن اور رنویر سنگھ بھی شامل ہوتے ہیں تو یہ ایک ریکارڈ توڑ اوپننگ ہو سکتی ہے۔

Comments

یہ بھی پڑھیں