The news is by your side.

Advertisement

امجد صابری کا قتل: پانچ ملزمان تین موٹرسائیکلوں پرسوارتھے

کراچی : معروف قوال امجد صابری کیس میں اہم پیشرفت سامنے آئی ہے، قانون نافذ کرنے والے اداروں نے اہم گرفتاریوں کا دعویٰ کردیا۔

تفصیلات کے مطابق قانون نافذ کرنے والے اداروں نے امجد صابری کیس میں اہم گرفتاریوں کا دعویٰ کیا ہے، رپورٹ میں بتایا گیا ہے کہ امجد صابری کی ٹارگٹ کلنگ کی واردات میں پانچ ملزمان تین موٹر سائیکلوں پر سوار تھے۔ ایک ٹیم نے مقتول کو نشانہ بنایا۔ دوسری ٹیم ان کی بیک اپ پر تھی۔


Major developments in Amjad Sabri murder case by arynews

ملزمان نے امجد صابری پرگولی بائیں جانب سے چلائی۔ پہلی گولی چلنے کے بعد ان کی گاڑی رکی اور پھر کار کا دروازہ کھلتے ہی ملزمان نے امجد صابری پر گولیاں برسادیں، جس سے وہ موقع پر ہی جاں بحق ہوگئے۔

واردات کے بعد ملزمان جائے وقوعہ سے با آسانی فرار ہونے میں کامیاب ہوگئے۔

مزید پڑھیں: کراچی:امجد صابری کے قتل میں استعمال ہونیوالی موٹر سائیکل کا مالک گرفتار

اس سے قبل بھی پولیس نے ایک اہم پیشرفت کرتے ہوئے واردات میں استعمال ہونے والی موٹر سائیکل کے مالک کو گرفتار کیا تھا۔

ذرائع کے مطابق موٹر سائیکل کے مالک کو قانون نافذ کرنیوالے اداروں نے گلشن اقبال سے حراست میں لیا تھا مذکورہ شخص کنسٹرکشن کے شعبے سے وابستہ ہے، پولیس کے مطابق قتل کی تحقیقات ہر زاویے سے کی جارہی ہے۔

 

Print Friendly, PDF & Email

Comments

comments

یہ بھی پڑھیں