site
stats
سندھ

امجد صابری قتل کیس میں اہم پیشرفت، فائرنگ کرنیوالا ملزم گرفتار

کراچی : امجد صابری کا قاتل پکڑا گیا ۔ عمران صدیقی نے دوران تفتیش اپنے ساتھیوں کے نام بھی اگل دیئے۔ امجد صابری کا قتل رقم کے تنازعہ پر ہوا۔

تفصیلات کے مطابق ہائی پروفائل امجد صابری قتل کیس میں انتہائی اہم پیش رفت سامنے آئی ہے۔ قتل میں براہ راست ملوث ملزم عمران صدیقی کو گرفتار کرلیا گیا ہے۔

ذرائع کے مطابق ضلع وسطی پولیس نے حساس اداروں کے ساتھ مل کر کارروائی کی۔ پولیس فی الحال ملزم کی گرفتاری ظاہر نہیں کر رہی۔

ذرائع نے انکشاف کیا ہے کہ امجد صابری پر گولیاں عمران صدیقی نے ہی چلائیں۔ ملزم عمران صدیقی نے تحقیقات میں دیگر ساتھیوں کے نام بھی اگل دیئے ہیں، جن کی گرفتاری کیلیے چھاپے مارے جارہے ہیں۔

ذرائع کے مطابق امجد صابری کا قتل رقم کے تنازعہ پر کیا گیا، مذکورہ ملزم عمران صدیقی چند ماہ قبل ہی تھائی لینڈ سے کراچی آیاتھا۔

ملزم کے پاسپورٹ کی کاپی اور دیگر تفصیلات پولیس نے حاصل کرلی ہیں، ذرائع کا کہنا ہے کہ عمران صدیقی کا تعلق سیاسی جماعت سے ہے اوروہ سرکاری ملازم ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top