The news is by your side.

Advertisement

امجد صابری کیس: سلیم چندا کا بیان جھوٹ پکڑنے والی مشین سے ریکارڈ

کراچی : پولیس نے معروف قوال امجد صابری قتل کی تحقیقات میں جدید ٹیکنالوجی کا استعمال شروع کردیا۔ عینی شاہد سلیم چندا کا بیان جھوٹ پکڑنے والی مشین میں ریکارڈ ہوا۔

تفصیلات کے مطابق مقتول امجد صابری کے قاتلوں کو کٹہرے میں لانے کیلیے کراچی پولیس نے جدید ٹیکنا لوجی وائس اسٹریس اینالائزرکی مدد لے لی۔

اس تکنیک کے استعمال سے پولیس کیلئے یہ سمجھنا آسان ہو جائے گا کہ عینی شاہد نے کتنا سچ کہا اور کتنا جھوٹ کہا۔ سندھ پولیس کو وائس اسٹریس اینالائیزر گزشتہ سال دیا گیا تھا۔

قانون نافذ کرنے والے اداروں نے واقعے کے عینی شاہد سلیم چندا کا بیان سچ اور جھوٹ پکڑنے والی مشین میں ریکارڈ کیا۔

وائس اسٹریس اینالائزر سافٹ وئیر کے ذریعے سلیم چندا کے دل کی دھڑکن اور آواز کی لرزش کا جائزہ لیا گیا، تحقیقاتی ذرائع کے مطابق سلیم عرف چندا اپنے دیے گئے بیان پرتاحال قائم ہے۔

تفیتش کے دوران دھڑکن اور آواز میں معمولی فرق محسوس کیا گیا، سلیم چندا کا بیان ایک بار پھر وائس اسٹریس اینالائزر سافٹ وئیر مشین کے ذریعے ریکارڈ کیا جائے گا۔

یاد رہے کہ اس سے قبل اس سافٹ ویئر کا استعمال اینٹی کار لفٹنگ سیل میں ملزمان سے تفتیش میں کیا جاتا تھا۔

 

Print Friendly, PDF & Email

Comments

comments

یہ بھی پڑھیں