site
stats
اہم ترین

امجد صابری کا چہلم، انتظامات مکمل

کراچی : معروف شہید قوال امجد صابری کا چہلم آج اُن کی رہائش گاہ پر منعقد کیاجارہاہے۔

تفصیلات کے مطابق معروف قوال امجد صابری کا چہلم اُن کی رہائش گاہ لیاقت آباد میں منعقد کیا جارہا ہے، اس حوالے سے تمام انتظامات کو حتمی شکل دے دی گئی ہے اور بم ڈسپوزبل اسکواڈ نے علاقے میں سرچنگ کا عمل مکمل کرلیا۔

چہلم کے موقع پر کسی بھی ناخوشگوار واقعے کے نمٹنے کے علاقے میں سیکورٹی سخت کی گئی ہے اور ایس پی سینٹرل کی زیر نگرانی پولیس افسران کو ڈیوٹی پر مامور کیا گیا ہے جبکہ نزدیکی عمارتوں پر مستعدد پولیس کے جوانوں کو تعینات کیا گیا ہے۔

پولیس حکام کے مطابق چہلم میں آنے والے تمام افراد پر کڑی نظر رکھی جائے گی اور انہیں تلاشی کے بعد اندر آنے کی اجازت دی جائے گی، اس ضمن میں علاقے میں دکانیں بند رکھنے کی ہدایت دی گئی ہیں۔

پڑھیں : امجد صابری کا قتل: بھارت کے معروف گلوکاروں و اداکاروں کا اظہار افسوس

اس موقع پر امجد صابری کے بھائی ثروت صابری نے اے آر وائی سے خصوصی گفتگو کرتے ہوئے کہا کہ ’’ہمیں اپنے قانون نافذ کرنے والے اداروں پر بھروسہ ہے اور امید ہے کہ امجد کے اصل قاتل پکڑے جائیں گے، انہوں نے قانون نافذ کرنے والے اداروں سے اپیل کی کہ ’’خدا کے واسطے کے بے گناہ کے سر پر امجد صابری کے قتل کا الزام عائد نہ کریں اس سے کسی چیز پر قابونہیں پایا جاسکتا بلکہ یہ دہشت گردوں کو مضبوط کرنے کے مترادف ہے‘‘۔

انہوں نے مزید کہا کہ ’’امجد صابری کا قتل پوری قوم کے لیے ایک بڑا سانحہ ہے، میری والدہ کہتی ہیں کہ جب امجد کے قاتل پکڑے جائیں گے تو اُن سے ہاتھ جوڑ کر قتل کی وجہ پوچھوں گی‘‘۔

مزید پڑھیں : امجد اپنے بابا کے پاس چلا گیا

قبل ازیں آئی جی سندھ کی جانب سے امجد صابری کے چہلم کے حوالے سے بیان جاری کرتے ہوئے دعویٰ کیا گیا ہے کہ ’’امجد صابری پر فائرنگ کرنے والا قاتل پکڑا کیا گیا ہے جو بہت بڑی پیشرفت ہے جلد تمام قاتلوں کو پکڑ کر عدالتوں میں پیش کریں گے‘‘۔

چہلم کے حوالے سے انہوں نے سیکورٹی پلان جاری کرتے ہوئے کہا کہ ’’کسی بھی ناخوشگوار واقعے سے نمٹنے کے لیے پولیس کی بھاری نفری تعینات کی گئی ہے اور عوام سے اپیل ہے کہ وہ ڈیوٹی پر مامور اہلکاروں کے ساتھ ہر ممکن تعاون کریں‘‘۔

یہ بھی پڑھیں : امریکا کا بھی امجد صابری کے قتل پر اظہارِِ افسوس

معروف قوال کے چہلم کے موقع پر بعد نمازِ ظہر تا عصر قرآن و فاتحہ خوانی اور درگاہ پر حاضری دی جائے گی جبکہ بعد نمازِ مغرب عظمت فرید صابری، طلحہ فرید صابری اور فرزند امجد صابری مجدد امجد صابری کی دستار بندی کی جائے گی، بعدا ازاں محفل سماع اور پھر لنگر کا اہتمام کیا جائے گا۔

مداحوں کی متوقع بڑی تعداد میں شرکت کے پیش نظر ایک لاکھ افراد کے لیے انتظامات کیے گیے ہیں جبکہ اس موقع پر دیگر سیاسی اور اعلیٰ شخصیات کی شرکت بھی متوقع ہے۔

یاد رہے امجد صابری کو 22 جون کے روز لیاقت آباد نمبر 10 پر نامعلوم مسلح ملزمان نے فائرنگ کا نشانہ بنایا تھا تاہم وہ اسپتال پہنچتے ہی انتقال کرگیے تھے۔ اُن کی تدفین پاپوش نگر قبرستان میں اپنے والد کے پہلو میں کی گئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top