amjad sabri killers on 14th days remand
The news is by your side.

Advertisement

امجد صابری قتل کیس: ملزمان کا 14 روزہ جسمانی ریمانڈ

کراچی : سی ٹی ڈی نے انسدادِ دہشت گردی کی عدالت سے امجد صابری قتل کیس سمیت اہم مقدمات میں نامزد ملزمان اسحاق بوبی اور عاصم کیپری کا 22 نومبر تک جسمانی ریمانڈ حاصل کر لیا۔

تفصیلات کے مطابق مقدمے کے تفتیشی افسر نے انسداد دہشت گردی کی منتظم عدالت کے سامنے موقف پیش کیا کہ ملزمان فوجی اور پولیس اہلکاروں کے قتل میں بھی ملوث ہیں اور ان کے خلاف دھماکا خیز مواد اور غیر قانونی اسلحہ رکھنے کا مقدمہ بھی درج ہے۔

امجد صابری قتل و دیگر دہشت گردی کی وارداتوں میں ملوث2 دہشت گرد گرفتار، وزیر اعلیٰ سندھ

تفتیشی افسر نے عدالت سے استدعا کی خطرناک ملزمان سے اہم اور ہولناک انکشافات پر مزید تحقیقات کرنی ہے اس لیے ملزمان کا 14  روزہ جسمانی ریمانڈ دیا جائے۔

 یہ پڑھیں : عاصم عرف کیپری کون ہے؟ 

انسداد دہشت گردی کی منتظم عدالت نے سی ٹی ڈی کے تفتیشی افسر کے موقف کو تسلیم کرتے ہوئے دونوں خطرناک ملزمان اسحاق عرف بوبی اور عاصم کیپری کو جسمانی ریمانڈ پر 22 نومبر تک سی ٹی ڈی کے حوالے کردیا ہے۔

واضح رہے اسحاق بوبی اور عاصم کیپری کو لیاقت آباد سے سی ٹی ڈی نے گرفتار کیا تھا اور کل سی او پی آفس میں وزیراعلیٰ سید مراد علی شاہ نے ایک پر ہجوم پریس کانفرنس میں میڈیا کے سامنے پیش کیاتھا۔

Comments

comments

یہ بھی پڑھیں