امجد صابری قتل کیس فوجی عدالت کو بھیجنے کا فیصلہ کرلیا گیا amjad-sabri
The news is by your side.

Advertisement

امجد صابری قتل کیس فوجی عدالت بھیجنے کا فیصلہ

کراچی : امجد صابری اور فوجی جوانوں کے قتل سمیت ہائی پروفائل مقدمات فوجی عدالتوں میں بھیجنے کا فیصلہ کرلیا گیا۔

تفصیلات کے مطابق ہائی پروفائل مقدمات نمٹانے سے متعلق ایک اہم اجلاس محکمہ داخلہ سندھ میں منعقد ہوا جس میں اعلیٰ پولیس افسران سمیت محکمہ داخلہ اور محکمہ قانون سے متعلق اعلیٰ افسران نے شرکت کی۔


امجد صابری قتل و دیگر دہشت گردی کی وارداتوں میں ملوث2 دہشت گرد گرفتار، وزیر اعلیٰ سندھ


اجلاس میں امجد صابری قتل کیس پر تفصیلی غور و خوض کیا گیا اور ملزم عاصم کیپری اور اسحاق بوبی کے خلاف شواہد اور اعترافی بیانات کا جائزہ لیا گیا جس کے بعد امجد صابری اور فوجی اہلکاروں کے قتل کے مقدمات فوجی عدالتوں میں چلانے کا فیصلہ کیا گیا۔


امجد صابری کے قاتلوں کا تعلق سیاسی جماعت سے نہیں، راجہ عمر خطاب


خیال رہے کہ قبل ازیں اے آر وائی نیوز کے پروگرام الیونتھ آور میں میزبان وسیم بادامی سے گفتگو کرتے ہوئے انچارج سی ٹی ڈی نے اس بات کا عندیہ دیا تھا کہ امجد صابری قتل کیس کو فوجی عدالت میں بھیجا جائے گا۔

یاد رہے کہ گزشتہ برس رمضان میں لیاقت پل کے نزدیک معروف قوال امجد صابری کو اس وقت قتل کردیا گیا تھا جب وہ ایک نجی چینل کی رمضان ٹرانسمیشن کے بعد گھر کی جانب واپس لوٹ رہے تھے۔

Comments

comments

یہ بھی پڑھیں