کیپ ٹاؤن: جنوبی افریقہ کے مایہ ناز کرکٹرہاشم آملہ نے ٹیسٹ ٹیم کی قیادت سے استعفی دےدیا ہے، انکی جگہ اے بی ڈی ویلیئرزکونیا کپتان مقررکیا گیا ہے۔
تفصیلات کے مطابق جنوبی افریقہ کے کپتان ہاشم آملہ نےخراب فارم اورٹیم کی ناقص کاکرردگی سے مایوس ہوکر ٹیسٹ ٹیم کی قیادت کے عہدے سے استعفیٰ دے دیا۔
ہاشم آملہ نے یہ فیصلہ انگلینڈ کے خلاف دوسرا ٹیسٹ ڈرا ہونےکے بعد کیا، واضح رہے کہ بھارت سے سیریز تین صفر سے ہارنے کے بعد ہاشم آملہ کی قائدانہ صلاحیتوں کو شدید تنقید کا نشانہ بنایاتھا۔
گریم اسمتھ کی ریٹائرمنٹ کے بعد ہاشم آملا کو ٹیسٹ ٹیم کی قیادت کی ذمے داریاں سونپی گئی تھیں لیکن وہ فتوحات دلانے میں کامیاب نہ ہوئے۔
سیریز کے آخری دو ٹیسٹ میچز کیلئے اے بی ڈی ویلیئرزکو کپتان مقرر کردیا گیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں