تبلیسی: یورپی ملک جیورجیا میں اپنے بچوں کی موت کے بعد کتیا بلی کے یتیم بچوں کا سہارا بن گئی اور ماں کی طرح ان کی دیکھ بھال کررہی ہے۔
غیرملکی خبررساں ادارے کی رپورٹ کے مطابق جیورجیا میں گزشتہ ماہ جرمن شیفرڈ نامی کتیا کو بارڈر کے اطراف سے ریسکیو کرنے کے بعد جانوروں کے لیے قائم ادارے میں منتقل کیا گیا تھا۔
رپورٹ کے مطابق جس وقت کتیا کو ریسکیو کیا گیا اس وقت وہ حاملہ تھی بعد ازاں اس نے ادارے میں بچے دیے لیکن بدقسمتی سے تمام بچے مرگئے، اس صورت حال کو مدنظر رکھتے ہوئے مذکورہ ادارے نے انوکھا قدم اٹھایا۔
ادارے نے بچوں کی کمی پوری کرنے کے لیے کتیا کے اطراف بلی کے یتیم بچے رکھ دیے جس پر جانور نے بھی بڑی گرم جوشی سے بلیوں کا استقبال کیا اور ماں کی طرح پیار کرنے لگی۔
اپنی نوعیت کے اس انوکھے واقعے نے پوری دنیا کو ورطہ حیرت میں مبتلا کردیا ہے۔
Comments
- Advertisement -