The news is by your side.

Advertisement

ملک میں ٹیکس کلچر کے نظام کو فروغ دینے کے لیے اہم قدم

اسلام آباد: ملک میں ٹیکس کلچر کے نظام کو فروغ دینے کے لیے اہم اقدام اٹھایا گیا ہے، ترقیاتی منصوبوں پر سیاستدانوں کی بجائے ٹیکس دہندگان کے نام کی تختی لگے گی۔

تفصیلات کے مطابق حکومت نے ترقیاتی اسکیموں کو ٹیکس پئیرز کے نام سے منسوب کرنے کا فیصلہ کرلیا ہے، وزیراعظم کے معاون خصوصی عثمان ڈارمہم کا آغاز آج سیالکوٹ سے کریں گے۔ عثمان ڈار کا کہنا ہے کہ یہ فیصلہ وزیراعظم کے ویژن کے تحت ٹیکس دہندگان کی حوصلہ افزائی کے لیے کیا۔

انہوں نے کہا کہ منصوبوں کو زیادہ ٹیکس دینے والے شخص یا ادارے کے نام سےمنسوب کیا جائے گا، شروعات1 ارب کی لاگت سے مکمل ہونے والے منصوبے سے کررہے ہیں، کارپوریٹ سیکٹر کے زیادہ ٹیکس دینے والے ادارے ک انتخاب کیا گیا ہے، ادارے نے 90 کروڑ روپے کا سب سے زیادہ ٹیکس ادا کیا ہے۔

وزیراعظم عمران خان سے معاون خصوصی عثمان ڈار کی ملاقات

معاون خصوصی نے بتایا کہ ماضی میں منصوبوں کو سیاستدانوں نے اپنی تشہیر کے لیے استعمال کیا، سیالکوٹ میں خواجہ آصف نے بھی ٹیکس کے پیسوں سےخاندان کی مشہوری کی، سیالکوٹ میں تمام ترقیاتی منصوبے باپ کے نام سے منسوب کر دئیے گئے، یہ کلچر ختم کر رہے ہیں، میرے اپنے نام کی بھی کوئی تختی نہیں لگے گی۔

Comments

یہ بھی پڑھیں