سوشل میڈیا پر وائرل ہونے والی ایک ویڈیو نے صارفین کو دہشت زدہ کردیا جس میں ایک اینا کونڈا زندہ مگر مچھ کو نگلنے کی کوشش کررہا ہے۔
برازیل میں ریکارڈ گئی یہ دہشت ناک ویڈیو ایک اینا کونڈا اور مگر مچھ کے درمیان جنگ کی ہے، تقریباً 6 فٹ لمبا اینا کونڈا مگر مچھ کی جان کے درپے ہے۔
ویڈیو میں دیکھا جاسکتا ہے کہ اینا کونڈا سانپ کے گرد لپٹا ہوا ہے اور اسے نگلنے کی کوشش کر رہا ہے، اس دوران مقامی افراد رسیوں کے ذریعے کھینچ کر دونوں کو الگ کرنے کی کوشش کر رہے ہیں۔
Ê CAROÇO! 😳
Uma sucuri foi flagrada tentando engolir um jacaré na área de um condomínio na Ponta Negra. 🐍🐊 pic.twitter.com/d3JlCQm3Ey
— Manaus POP A 911🏳️🌈 (@manaus_pop) August 17, 2020
کچھ دیر کی کوشش کے بعد دونوں علیحدہ ہوگئے جس کے بعد دونوں الگ راہ پکڑ کر جنگل میں غائب ہوگئے۔
سانسیں روک دینے والی اس ویڈیو کو سوشل میڈیا پر ہزاروں افراد نے دیکھا، بعض صارفین نے مقامی افراد کو فوڈ چین میں مداخلت کرنے پر تنقید کا نشانہ بھی بنایا۔
برازیل میں گزشتہ برس بھی ایسی ہی ایک ویڈیو سوشل میڈیا پر وائرل ہوئی تھی جس میں 29 فٹ لمبا اینا کونڈا 6 فٹ لمبے مگر مچھ کو ہڑپنے کی کوشش کر رہا تھا۔
یہ ویڈیو وائلڈ لائف فوٹو گرافر کیون ڈولی نے بنائی تھی، ان کے مطابق دونوں کے درمیان بقا کی جنگ 8 منٹ تک جاری رہی، بالآخر اینا کونڈا کا دم گھٹنے لگا اور اس نے مگر مچھ کو چھوڑ دیا۔
کیون کے مطابق بھاگنے سے پہلے مگر مچھ نے اینا کونڈا کو کاٹا بھی تھا تاہم اینا کونڈا بھی خود کو چھڑا کر بھاگنے میں کامیاب رہا۔