The news is by your side.

Advertisement

بھارتی اداکارہ نے مذہب کی خاطر شوبز کو خیرباد کہہ دیا

ممبئی: بھارتی ٹیلی ویژن کی معروف اداکارہ اناگھا بھوسلے نے مذہب کی خاطر شوبز کو خیرباد کہہ دیا۔

بھارتی میڈیا رپورٹس کے مطابق معروف شو انوپما میں نندنی کا کردار ادا کرنے والی اداکارہ اناگھا بھوسلے انسٹاگرام پوسٹ شیئر کرتے ہوئے مداحوں کو شوبز سے کنارہ کشی اختیار کرنے کی اطلاع دی۔

اداکارہ نے اپنی پوسٹ میں عوام سے ملنے والی محبت اور تعاون پر ان کا شکریہ ادا کیا۔

anagha bhosale

اناگھا بھوسلے نے مداحوں کو باقاعدہ طور پر فلم اور ٹیلی ویژن انڈسٹری سے کنارہ کشی اختیار کرنے کے فیصلے سے آگاہ کیا اور ساتھ ہی اپنے فیصلے پر مداحوں سے تعاون کی امید کا بھی اظہار کیا۔

اداکارہ نے لکھا کہ شوبز سے کنارہ کشی کا فیصلہ مذہبی عقائد اور روحانی راستے پر چلنے کی خاطر کیا ہے۔

اس سے قبل اناگھا نے بھارتی میڈیا سے گفتگو کرتے ہوئے کہا کہ انڈسٹری منافقت سے بھری ہوئی ہے اسی لیے انہوں نے شوبز انڈسٹری کو چھوڑنے کا فیصلہ کیا ہے۔

Comments

یہ بھی پڑھیں