نئی دہلی : بھارتی شہری کی سونے سے بنی فراری کار کے ساتھ ویڈیو وائرل ہونے پر مشہور بھارتی کاروباری شخصیت نے سبق آموز پوسٹ شیئر کردی۔
امیر ترین افراد کسی بھی ملک میں پائے جائیں وہ اپنی دولت اور شہرت کو دنیا تک پہنچانے کےلیے سوشل میڈیا کا سہارا ضرور لیتے ہیں اور اکثر ایسی ویڈیوز اور تصاویر وائرل ہوتی رہتی ہیں جس میں کسی نہ کسی ملک کا امیر شہری کوئی مہنگا کام کرتا نظر آرہا ہوتا ہے۔
ایسی ہی ایک ویڈیو بھارتی نژاد امریکی شہری کی ویڈیو انٹرنیٹ پر وائرل ہورہی ہے جو سونے کی بنی فراری کار میں سوار ہورہا ہے، ویڈیو کے ساتھ کیپشن لکھا ہے کہ ’بھارتی نژاد امریکی گولڈ فراری کے ساتھ‘۔
مذکورہ ویڈیو حوصلہ افزاء پیغامات شیئر کرنے والی مہندرا گروپ کے مالک آنند مہندرا نے بھی شیئر کی اور ساتھ لکھا کہ ’مجھے نہیں پتہ کہ یہ ویڈیو کیوں وائرل ہورہی ہے، بس اس ویڈیو میں ایک پیغام ہے کہ اگر آپ کے پاس پیسہ ہے تو آپ کو پتہ ہونا چاہیے کہ اسے کہاں خرچ نہیں کرنا چاہیے‘۔
I don’t know why this is going around on social media unless it is a lesson on how NOT to spend your money when you are wealthy… pic.twitter.com/0cpDRSZpnI
— anand mahindra (@anandmahindra) July 19, 2021
مہندرا کے ویڈیو ری ٹوئٹ کرنے کے بعد 24 گھنٹے کے دوران بھارتی نژاد امریکی شہری کی ویڈیو کو 1 لاکھ 64 ہزار صارفین نے دیکھا اور ویڈیو پر چھ ہزار چھ سو صارفین نے پسندیدگی کا اظہار کیا اور سیکڑوں نے اس ویڈیو کو ریٹوئٹ کیا اور اس پر تبصرے کیے۔