امریکا سے تعلق رکھنے والی خاتون نیوز اینکر کی ایک ویڈیو سوشل میڈیا پر خوب وائرل ہو رہی ہے جس میں وہ اپنے بچے کو گود میں اٹھائے لائیو خبریں پڑھ رہی ہیں۔
سوشل میڈیا کی مختلف ویب سائٹس دلچسپ، حیران کن اور منفرد تصاویر اور ویڈیوز سے بھری پڑی ہیں۔ سماجی رابطے کی ویب سائٹ ٹوئٹر پر خاتون اینکر کی ویڈیو پر صارفین تبصرے کر رہی ہیں۔
ویڈیو میں دیکھا جا سکتا ہے کہ امریکا کے ایک مقامی چینل سی بی ایس 58 نیوز سے تعلق رکھنے والی خاتون اینکر ربیکا شولڈ اپنے تین ماہ کے بچے کو تھامے موسم کی خبریں پڑھ رہی ہیں۔ ربیکا کے اس عمل نے ٹیلی ویژن اسکرین پر موسم کی خبریں جاننے والے ناظرین کی توجہ حاصل کرلی۔
42 سالہ ربیکا شولڈ عالمی وبا کورونا وائرس کے باعث پچھلے کئی ماہ سے ورک فرام ہوم کر رہی ہیں۔ انہوں نے ایسا کرنے کی وجہ بتاتے ہوئے کہا کہ چینل پر موسم کی خبروں کے لیے لائیو آنے سے چند لمحے قبل میرا 3 ماہ کا بچہ بیدار ہوگیا جسے مجھے ہر صورت گود میں اٹھانا پڑا۔
@RebeccaSchuld U and Fiona were on @WeekendExp with @SusanHendricks. Very exciting that @CBS58 and @cbs58weather gets national recognition like this from @HLNTV. 😊 pic.twitter.com/BhrQSbSYG8
— Alex Donovan (@AlexDonovan13) January 29, 2022
ربیکا نے کہا کہ بچے کے ساتھ اسکرین پر آئی تو پروڈیوسر نے سوال کیا کہ کیا آج تم اپنے بچے کے ساتھ ہی لائیو آنے کا ارادہ رکھتی ہوں، میں نے کہا کہ جی ہاں، اس کی نیند پوری ہوچکی ہے اور یہ ایسا کرنے پر خوشی محسوس کرے گا۔
ویڈیو وائرل ہونے کے بعد ربیکا نے اپنے بیان میں کہا کہ سوشل میڈیا پر مجھے تنقید کا نشانہ بنانے کے بجائے میری تعریف کی گئی اور میرے اس عمل کو سراہا گیا جو میرے لیے خوشی کا باعث ہے۔
