The news is by your side.

Advertisement

اینڈی مرے نے اٹالین اوپن ٹینس ٹورنامنٹ جیت لیا

روم : اٹالین اوپن ٹینس ٹورنامنٹ کے فائنل میں اینڈی مرے نے نوواک جوکووچ کوشکست دے کر پہلی بار یہ ٹورنامنٹ جیت لیا.

تفصیلات کے مطابق برطانوی ٹینس اسٹاراینڈی مرے نے اتوار کو اپنی سالگرہ کے موقع پر کھیلے جانے والے فائنل میں جوکووچ کو چھ تین، چھ تین سے شکست دے کر ٹورنامنٹ اپنے نام کرلیا.

ایک گھنٹہ اور 35 منٹ تک جاری رہنے والے فائنل میں فتح کے بعد مرے 22 مئی سے شروع ہونے والے فرنچ اوپن سے پہلے عالمی رینکنگ میں دوسری پوزیشن پر آ جائیں گے۔

اینڈے مرے 1931 کے بعد اٹالین اوپن میں مردوں کے سنگلز جیتنے والے پہلے برطانوی کھلاڑی ہیں،اس سے پہلے 1931 میں جارج پیٹرک ہیگلز نے یہ اعزاز حاصل کیا تھا۔

واضح رہے کہ میڈرڈ ماسٹرز کے فائنل میں سربین ٹینس اسٹار نوواک جوکووچ سے شکست کے بعداینڈی مرے ٹینس کی عالمی رینکنگ میں دوسری پوزیشن سے تیسری پوزیشن پر آگئے تھے.

Comments

comments

یہ بھی پڑھیں