کراچی: پاک سرزمین پارٹی کے رہنما مصطفیٰ کمال اورانیس قائم خانی سندھ ہائی کورٹ پہنچ گئے، انیس قائم خانی نے حفاظتی ضمانت کے لئے درخواست دائرکردی۔
تفصیلات کے مطابق پاک سرزمین پارٹی کے سربراہ مصطفیٰ کمال آج بروز منگل سندھ ہائی کورٹ پہنچے ہیں اور ان کے ہمراہ انیس قائم خانی بھی موجود ہیں، انیس قائم خانی کی جانب سے ڈاکٹر عاصم کیس میں حفاظتی ضمانت کی درخواست دائرکی گئی ہے۔
انیس قائم خانی کے ڈاکٹرعاصم کیس میں وارنٹِ گرفتاری ان کی پاکستان آمد سے پہلے ہی جاری ہوچکے ہیں۔
انیس قائم خانی پر الزام ہے کہ وہ مبینہ طورپرڈاکٹرعاصم کے اسپتال میں اپنی سابقہ جماعت سے تعلق رکھنے والے دہشت گردوں کا علاج کراتے رہے ہیں۔
پاک سرزمین پارٹی 24 اپریل کو باغِ جناح میں عوامی جلسہ کرنے جارہی ہے جس کے لئے مصطفیٰ کمال اورانیس قائم خانی عوامی رابطے کی مہم میں مصروف ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں