The news is by your side.

Advertisement

کروڑوں روپے کی منشیات اسمگلنگ کی کوشش ناکام ، ملزمان گرفتار

اسلام آباد: اے این ایف حکام نے منشیات کی بڑی کھیپ کو منتقل کرنے کی کوشش ناکام بنادی ہے۔

اے این ایف حکام کے مطابق خفیہ اطلاعات پر پتوکی ٹول پلازہ پر گاڑیوں کی چیکنگ کا عمل جاری تھا، اس دوران گاڑیوں سے کروڑوں روپے مالیت کی منشیات برآمد کیں گئیں اور تین ملزمان کو گرفتار کیا گیا۔

اے این ایف حکام کے مطابق قبضے میں لی گئی منشیات پانچ کروڑ سے زائد مالیت کی ہے، گرفتار ملزمان کے خلاف مقدمات کا اندراج کرتے ہوئے ان سے مزید تفتیش کا آغاز کردیا گیا ہے۔

اے این ایف کی جانب سے دوسری کارروائی اسلام آباد ایئر پورٹ پر کی گئی، کارروائی میں بحرین جانے والے مسافر کے بیگ سے 400گرام منشیات برآمد کی گئی، ملزم کو مزید تفتیش کے لئے اے این ایف ہیڈ کوارٹر منتقل کردیا گیا ہے۔

اس سے قبل گیارہ دسمبر کو بھی وفاقی دارالحکومت اسلام آباد ایئرپورٹ پر اینٹی نارکوٹکس فورس نے خفیہ اطلاعات کی بنیاد پر بھاری تعداد میں منشیات اسمگلنگ کی کوشش ناکام بناتے ہوئے بیرون اسمگل کی جانے والی نشہ آور ادوایات برآمد کرلیں تھیں۔

یہ بھی پڑھیں:  اسلام آباد ایئرپورٹ پر مشتبہ شخص‌ گرفتار، 21 کلو سے زائد ہیروئن برآمد

ترجمان اے این ایف کا کہنا ہے کہ جائے وقوعہ پر موجود اہلکاروں نے بیگ سے نشہ آور ممنوعہ گولیوں کے 9 پیکٹ برآمد ہونے پر جدہ جانے والی دونوں خواتین کو حراست میں لیکر مقدمہ درج کرلیا، گرفتار خواتین سے برآمد کی گئی نشہ آور ممنوعہ گولیوں کا وزن 8 کلو گرام سے زائد ہے۔

Comments

یہ بھی پڑھیں