تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

اسلام آباد ایئر پورٹ : 3منشیات اسمگلر گرفتار، 5کلو سے زائد ہیروئن برآمد

اسلام آباد اے این ایف کے عملے نے اسلام آباد ائیرپورٹ پر کامیاب کارروائی کرتے ہوئے تین بین الاقوامی اسمگلروں کو رنگے ہاتھوں گرفتار کرلیا۔

تفصیلات کے مطابق اینٹی نارکوٹکس فورس کی ٹیم نے بیرون ملک منشیات اسمگلنگ کا نیٹ ورک چلانے والے 3ملزمان کو اسلام آباد ایئر پورٹ سے حراست میں لیا ہے۔

اس حوالے سے ترجمان اےاین ایف کا کہنا ہے کہ ایئر پورٹ کے داخلی راستے پر دوران تلاشی جارج نامی ملزم سے2 کلو600گرام ہیروئن برآمد ہوئی تھی۔

ترجمان کے مطابق ملزم نے ہیروئن مہارت سے ٹرالی بیگ میں چھپا رکھی تھی، ملزم کی نشاندہی پر مزید2 ملزمان الیاس اور رضوان سہیل بھی گرفتار

دوران تفتیش ملزمان نے ماضی میں بھی بیرون ملک منشیات اسمگلنگ کا اعتراف کرلیا، ملزمان کے خلاف انسداد منشیات ایکٹ کے تحت مقدمہ درج کرلیا گیا۔

اس کے علاوہ اے این ایف انٹیلی جنس کی ٹیم نے اسلام آباد ایئر پورٹ پر دوسری کارروائی کی جس میں کوریئر آفس کے ذریعے ہیروئن اسمگل کرنے کی کوشش ناکام بنا دی گئی۔

تفصیلات بیان کرتے ہوئے ترجمان نے بتایا کہ برطانیہ بھیجے جانے والے پارسل سے 2 کلو 770 گرام ہیروئن برآمد ہوئی ہے۔

ترجمان اےاین ایف کا کہنا ہے کہ ہیروئن 20 لیڈیز سوٹ میں مہارت سے چھپائی گئی تھی، پارسل سیالکوٹ کے رہائشی لیاقت علی کی جانب سے بک کرایا گیا تھا۔

مذکورہ پارسل برطانیہ میں مقیم طارق محمود نامی شخص کو موصول ہونا تھا، پارسل کو قبضے میں لے کر مزید تحقیقات کا آغاز کر دیا گیا ہے۔

Comments

- Advertisement -
محمد صلاح الدین
محمد صلاح الدین
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں