اسلام آباد: اسلام آباد ایئرپورٹ پر اے این ایف نے کارروائی کرتے ہوئے دوحہ جانے والے مسافر سے چرس برآمد کرلی۔
تفصیلات کے مطابق اسلام آباد ایئرپورٹ پراینٹی نارکوٹکس فورس نے دوحہ جانے والے مسافر کے قبضے سے1 کلو 780گرام چرس برآمد کرلی۔
رحیم گل نے منشیات گلاب جامن کے 2 ڈبوں میں چھپائی تھی، ملزم غیر ملکی ایئرلائن کی پروازکیو آر 615 سے دوحہ جا رہا تھا، ملزم خیبر پختونخوا کےعلاقے کرم کا رہائشی ہے۔
اینٹی نارکوٹکس فورس نے ملزم رحیم گل کو گرفتار کرکے سیل منتقل کردیا۔
یاد رہے کہ 24 مارچ کو اسلام آباد ایئرپورٹ پر اے این ایف نے کارروائی کرتے ہوئے خاتون کو گرفتار کرکے کروڑوں روپے مالیت کی منشیات برآمد کی تھی۔
اے این ایف حکام کے مطابق برطانوی شہریت یافتہ خاتون کوثریونس سے 13کروڑ روپے مالیت کی منشیات برآمد ہوئی، خاتون نے 3 مختلف بیگزمیں 13 کلو ہیروئن چھپائی تھی۔
اسلام آباد ایئرپورٹ پر اے این ایف کی کارروائی‘ 2 ملزمان گرفتار
واضح رہے کہ 31 جنوری کو اسلام آباد ایئرپورٹ پر اے این ایف نے کارروائی کرتے ہوئے بیرون ملک منشیات سپلائی کرنے والے نیٹ ورک کے 2 افراد گرفتارکیے تھے۔
اے این ایف حکام کا کہنا تھا کہ ملزمان سے کروڑوں مالیت کی ایک کلو سے زائد منشیات برآمد ہوئی ہے، ملزمان قطرایئرلائن کی پروازکیو آر633 اے سے دوحا جا رہے تھے۔
