The news is by your side.

‌‌‌کراچی : آسٹریلیا کے لئے بک پارسل سے منشیات برآمد

راولپنڈی : اینٹی نارکوٹکس فورس (اے این ایف) نے کراچی میں شارع فیصل پر نجی کوریئرآفس میں آسٹریلیا کے لئے بک پارسل سے منشیات برآمد کرلی۔

تفصیلات کے مطابق اینٹی نارکوٹکس فورس (اے این ایف) نے کراچی میں بڑی کارروائی کی۔

کارروائی کے دوران شارع فیصل پر نجی کوریئرآفس میں آسٹریلیا کے لئے بک پارسل سے آئس برآمد کرلی۔

ترجمان اےاین ایف نے بتایا کہ آسٹریلیا بھیجے جانیوالے پارسل کا مجموعی وزن 49کلوگرام ہے، برآمد شدہ آئس خواتین اور بچوں کے کپڑوں میں جذب کی گئی تھی۔

ترجمان کے مطابق پارسل چمن کے رہائشی کی جانب سےبک کرایا گیا تھا۔

اےاین ایف نے ملزم کیخلاف انسدادمنشیات ایکٹ کے تحت مقدمہ درج کرلیا ہے۔

یاد رہے اے این ایف نے 2 مختلف کارروائیاں کرتے ہوئے منشیات کی بیرون ملک اسمگلنگ کی کوشش ناکام بناتے ہوئے ایک ملزم کو گرفتار کرلیا۔

Comments

یہ بھی پڑھیں