The news is by your side.

Advertisement

اے این ایف کی کراچی میں کارروائی، 18 کلو منشیات برآمد

اسلام آباد: اینٹی نارکوٹکس فورس (اے این ایف) اسلام آباد نے کراچی میں کارروائی کرتے ہوئے 18 کلو منشیات برآمد کر لی۔

تفصیلات کے مطابق انسدادِ منشیات فورس نے کراچی میں ایک کارروائی کے دوران اٹھارہ کلو گرام منشیات پکڑ لی، یہ منشیات فیصل آباد سے کراچی اسمگل کی گئی تھی۔

اے این ایف کا کہنا ہے کہ پورٹ قاسم پر 18 کلو منشیات برآمد ہوئی جو بیڈ شیٹ کے کنٹینر میں چھپائی گئی تھی، یہ کنٹینر نارتھ امریکا کے لیے بک کرایا گیا تھا۔

ادارہ انسدادِ منشیات کے مطابق بین الاقوامی سطح پر برآمد کی گئی منشیات کی قیمت 18 کروڑ روپے ہے۔

یہ بھی پڑھیں:  اے این ایف نے رانا ثنا اللہ کے خلاف مقدمہ درج کرلیا

خیال رہے کہ آج اے این ایف نے لیگی رہنما رانا ثنا اللہ سمیت 6 ملزمان کو لاہور کی مقامی عدالت میں پیش کیا، منشیات اسمگلنگ کیس میں عدالت نے ملزمان کو 14 روزہ ریمانڈ پر جیل بھیج دیا۔

تفتیشی افسر نے عدالت کو بتایا کہ رانا ثنا اللہ اور شریک ملزمان سے 15 کلو ہیروئن برآمدگی کا مقدمہ درج کیا گیا ہے، منشیات ضبط کر لی گئی ہے اس لیے جسمانی ریمانڈ کی ضرورت نہیں، جس پر عدالت نے رانا ثنا سمیت شریک ملزموں کو جوڈیشل ریمانڈ پر جیل بھیج دیا۔

ترجمان اینٹی نارکوٹکس فورس کے مطابق رانا ثنا اللہ کوموٹر وے سے ریجنل ڈائریکٹوریٹ پنجاب نے حراست میں لیا مسلم لیگ ن کے رہنما کے ساتھ گاڑی سے بھاری مقدار میں منشیات برآمد ہوئی۔

Comments

comments

یہ بھی پڑھیں