The news is by your side.

Advertisement

اسلام آباد اورپشاورایئرپورٹ پراے این ایف کی کارروائی، کروڑوں روپے کی ہیروئن برآمد

اسلام آباد: اینٹی نارکوٹکس فورس (اے این ایف) نے اسلام آباد اور پشاور انٹرنیشنل ایئرپورٹ پر کارروائی کرتے ہوئے کروڑوں روپے مالیت کی ہیروئن برآمد کرلی۔

تفصیلات کے مطابق اے این ایف نے اسلام آباد انٹرنیشنل ایئرپورٹ پرمسقط جانے والی نجی ایئرلائن کے مسافر سے ہیروئن برآمد کرلی، ملزم نے 7 کلو سے زائد ہیروئن بیگ کے خفیہ خانوں میں چھپا رکھی تھی۔

اینٹی نارکوٹکس فورس (اے این ایف) نے مسافر کو حراست میں لے کر تفتیش شروع کردی۔

دوسری جانب اے این ایف نے باچا خان انٹرنیشنل ایئرپورٹ کارروائی کرتے ہوئے مسقط جانے والی نجی ایئر لائن کے مسافر سے ہیروئن برآمد کرلی ،ملزم کو حراست میں لے لیا گیا۔

اسلام آباد ایئرپورٹ پرمنشیات اسمگلنگ کی کوشش ناکام

یاد رہے کہ 11 جولائی کو نیو اسلام آباد ایئرپورٹ پر اے ایس ایف نے بیرون ملک منشیات اسمگلنگ کرنے کی کوشش ناکام بناتے ہوئے ملزم کو گرفتارکیا تھا۔

اسلام آباد ایئرپورٹ پراے این ایف کی کارروائی‘ 2 افراد گرفتار

واضح رہے کہ 24 مئی کو اسلام آباد ایئرپورٹ پراینٹی نارکوٹکس فورس نے مسافر کے قبضے سے1 کلو سے زائد آئس ہیروئن برآمد کی تھی۔

اے این ایف حکام کے مطابق ملزم چائے کے پیکٹ میں آئس ہیروئن چھپا کراسمگل کرنا چاہتا تھا، ملزم ثاقب کے ہمراہ خاتون جمیل اختربھی سفرکرنا چاہتی تھی۔

Comments

یہ بھی پڑھیں