برلن: جرمن چانسلر انجیلا مرکل ایک بار پھر تقریب کے دوران بری طرح سے کانپنے لگیں جس کے بعد اُن کی صحت کے حوالے سے قیاس آرائیاں شروع ہوگئیں۔
تفصیلات کے مطابق برلن میں ہونی والی ایک تقریب کے دوران مرکل کی ایک بار پھر طبیعت خراب ہوئی اور وہ بری طرح سے کانپنے لگیں۔
چند دنوں میں دوسری بار ایسا واقعہ پیش آیا جس کے بعد جرمنی کے سیاسی حلقوں میں چانسلر کی صحت سے متعلق تشویش کی لہر دوڑ گئی اور چہ مگوئیاں شروع ہوئیں کہ شاید انجیلا کسی پراسرار بیماری میں مبتلا ہیں جس کا وہ عوام کے سامنے اعتراف نہیں کرنا چاہتیں۔
German Chancellor Angela Merkel was seen to suffer another bout of shaking, during a public appearance with the country’s president, Frank-Walter Steinmeier. More here: https://t.co/7XidSy5iRU pic.twitter.com/s90gsHOJC7
— Reuters Top News (@Reuters) June 27, 2019
قبل ازیں 19 جون کو یوکرینی صدر کی استقبالیہ تقریب میں بھی اسی طرح کا واقعہ دیکھنے میں آیا تھا۔ دوسری جانب جرمن چانسلر کی ترجمان اسٹیفنی کا کہنا ہے کہ انجیلا بالکل صحت مند ہیں اور وہ کسی عارضے یا بیماری میں مبتلا نہیں ہیں۔
مزید پڑھیں: برلن، تقریب میں جرمن چانسلر انجیلا مرکل کی طبیعت بگڑ گئی
رپورٹ کے مطابق برلن میں درجہ حرارت 30 ڈگری سینٹی گریڈ تک پہنچا ہوا تھا، جرمن چانسلر انجیلا مرکل کی طبیعت گرمی کی وجہ سے بگڑ گئی تھی۔
بعدازاں جرمن چانسلر انجیلا مرکل کا کہنا تھا کہ ’میں نے تین گلاس پانی پیا ہے جس کے بعد طبیعت میں کافی بہتری محسوس کررہی ہوں۔’
