لاس اینجلیس : معروف ہالی ووڈ اداکارہ انجلینا جولی نے ‘اپنے حقوق جانو’ کے عنوان سے بچوں کے حقوق پر کتاب شائع کرنے کا اعلان کردیا۔
غیر ملکی خبر رساں ادارے کی رپورٹ کے مطابق ہالی اداکارہ انجلینا جولی ایمنسٹی انٹرنیشنل کے اشتراک سے کتاب شائع کریں گی جو آئندہ برس ستمبر میں پبلش ہوگی۔
ہالی ووڈ اداکارہ کا بچوں کے حقوق سے متعلق کتاب لکھنے کا مقصد نوجوانوں کو ان کے حقوق سے متعلق آگاہی و شعور فراہم کرنا ہے۔
اداکارہ نے کتاب کا عنوان بھی ’اپنے حقوق جانو‘ رکھا ہے، انجلینا جولی کا کہنا تھا کہ امید ہے کہ میری یہ کتاب نوجوانوں اور بچوں کو ان کے حقوق پہنچوانے میں کارساز ثابت ہوگی اور وہ نوجوان اس کتاب سے ہدایت لیں گے۔
ایمنسٹی انٹرنیشنل کا کہنا تھا کہ انجلینا جولی نے اپنی کتاب میں ان حقوق اور اختیارات کو اجاگر کریں گی جو اقوام متحدہ کنویشن میں بچوں کو دئیے گئے ہیں۔
ایمنسٹی انٹرنیشنل کے مطابق یہ کتاب برطانیہ اور امریکا سمیت دنیا کے تمام 140 ممالک کے نوجوانوں کے لئے ان کے حقوق جاننے اور اسے مانگنے سے متعلق ہے۔
