نیویارک : ہالی ووڈ اداکارہ انجلینا جولی نے اداکار بریڈ پٹ کے خلاف قانونی جنگ ہارنے کا غصہ جج پر نکال دیا۔
غیرملکی خبر رساں ادارے کی رپورٹ کے مطابق ہالی ووڈ کی سابقہ جوڑی اداکارہ انجلینا جولی اور اداکار بریڈ پٹ کے درمیان کئی ماہ سے بچوں کی تحویل کےلیے عدالتی جنگ جاری تھی جس کا عارضی فیصلہ انجلینا جولی کے خلاف آیا ہے۔
جج نے اداکار بریڈ پٹ کے حق میں فیصلہ سناتے ہوئے بریڈپٹ کو انجلینا کے ساتھ بچوں کی مشترکہ تحویل دینے کا حکم دیا۔
مشہور ہالی ووڈ اداکارہ اور اقوام متحدہ کی سفیر انجلینا جولی نے فیصلے کو تنقید کا نشانہ بناتے ہوئے کہا کہ جج نے سماعت کے دوران بچوں کی گواہی لینے سے انکار کیا۔
جج جان اوڈرکرک نے اداکار کو سابق جوڑے کے پانچ نابالغ بچوں 17سالہ پیکس ، 16سالہ زہارا، 14سالہ شیلو، اور 13سالہ نوکس اور ویوین کی تحویل دی ہے۔
اس سابقہ جوڑی کے سب سے بڑے بیٹے 19 سالہ میڈڈوکس اب حراستی کیس کا حصہ نہیں ہیں۔
غیرملکی میڈیا کا کہنا ہے کہ یہ فیصلہ عارضی تھا انجلینا کی جانب سے قانونی جنگ اب بھی جاری ہے، سابق جج کی جانب سے اس کیس کی نگرانی کے لیے رکھے جانے والے نجی جج جان اوڈرکر نے کئی ماہ کی تفتیش اور گواہان کے بیانات کو مدِنظر رکھتے ہوئے اپنے خیالات واضح کر دیئے ہیں۔
