The news is by your side.

Advertisement

انجلینا جولی کے بیٹے کا باپ کیخلاف عدالت میں اہم بیان

لاس اینجلس : ہالی ووڈ کی نامور فلمی جوڑی میں شادی کے بعد ہونے والی علیحدگی میں اب ایک نیا موڑ آگیا، انجلینا جولی اور بریڈ پٹ کا بڑا بیٹا بھی عدالت پہنچ گیا۔

اس حوالے سے غیر ملکی ذرائع ابلاغ کا کہنا ہے کہ انجلینا جولی اور بریڈ پٹ کے بڑے بیٹے میڈوکس نے اپنے والد کے خلاف مقامی عدالت میں گواہی دی ہے۔

سابقہ میاں بیوی کے درمیان ہونے والی عدالتی جنگ میں میڈوکس اس سے پہلے بھی ایک بار عدالت میں گواہی دے چکے ہیں جو ان کے والد بریڈ پٹ کے حق میں کچھ خاصی خوش آنئد نہیں تھی۔

غیر ملکی میڈیا کے مطابق ہالی ووڈ اداکارہ انجلینا جولی کا کہنا ہے کہ ان کا بیٹا میڈوکس سرکاری طور پر اپنے نام کے ساتھ “پٹ” ہٹا کر “جولی” میں تبدیل کروانا چاہتا ہے جس پرانجلینا نے میڈوکس کو منع کیا جبکہ غیر سرکاری سطح پر میڈوکس اپنے نام کے ساتھ والد کا نام استعمال نہیں کرتے۔

غیر ملکی میڈیا رپورٹ میں کہا گیا ہے کہ عدالت میں جمع کروائی گئی دستاویزات کے مطابق بریڈ پٹ اپنی اہلیہ انجلیناجولی اور اپنے بچوں پر تشدد کرتے تھے۔

دوسری جانب انجلینا جولی کا کہناتھا کہ وہ اور ان کے بچے بریڈ پٹ کے خلاف اپنے الزامات کو ثابت کرنے کے لیے تمام تر ثبوت مہیا کرنے کو تیار ہیں۔

علاوہ ازیں بریڈ پٹ کے قریبی ذرائع کا کہنا ہے کہ انجلینا جولی سابقہ شوہر بریڈپٹ کے خلاف بچوں کو ہتھیار بنا رہی ہیں تاکہ عدالتی فیصلہ ان کے حق میں آسکے۔

واضح رہے کہ انجلینا جولی اور بریڈ پٹ نے 2014 میں شادی کی تھی اور 2 سال بعد علیحدگی اختیار کرلی تھی جس کے بعد سے دونوں کے درمیان اب تک قانونی طور پر علیحدگی اور بچوں کی حوالگی کے لئے معاملات چل رہے ہیں۔

Comments

یہ بھی پڑھیں