آپ نے ہاتھی کا غصہ فلموں میں دیکھا ہوگا مگر انٹرنیٹ پر وائرل ہونے والے ایک ویڈیو میں ہاتھی کا غصہ دیکھا جاسکتا ہے کہ جس نے ٹرک کے اگلے حصے کو تباہ کردیا۔
سماجی رابطے کی ویب سائٹ ٹویٹر پر مائیکل ڈیور نے بپھرے ہاتھی کی ویڈیو شیئر کی جس میں وہ ایک ٹرک کو دیکھ کر آپے سے باہر ہوگیا اور پھر حملہ کرنے کے لیے بھاگتا ہوا ٹرک کی طرف آیا۔
ویڈیو میں دیکھا جاسکتا ہے کہ ہاتھی کی چنگھاڑ سُن کو ڈرائیور کو محسوس ہوگیا تھا کہ صورت حال خراب ہے اس لیے اُس نے آگے کے بجائے ٹرک پیچھے کی طرف کرنا شروع کردیا۔
ہاتھی نے جب یہ دیکھا تو وہ تیزی سے دوڑتا ہوا گاڑی کے پاس آیا، ٹرک اپنی رفتار کے ساتھ پیچھے جارہا تھا مگر ہاتھی نے مزید اسپیڈ پکڑی اور اگلے حصے پر زور دار ٹکر مار کر بونٹ کو تباہ کردیا۔
مذکورہ ویڈیو ٹرک میں پیچھے بیٹھے ایک شخص نے بنائی، ہاتھی کی ٹکر اس قدر زور دار تھی کہ پورا ٹرک ہل گیا تھا، بعد ازاں ہاتھی دوسری طرف روانہ ہوگیا۔
Terrifying chase down y’day by angry Karnataka elephant, rips off truck bonnet with tusks @jrendell @tunkuv pic.twitter.com/TkffCMvGZw
— Michael Dwyer (@MikeDwyerMike) January 16, 2020
رپورٹ کے مطابق مذکورہ واقعہ کرناٹک میں واقع نیشنل پارک میں 16 جنوری کو پیش آیا۔
Yes! It's Nagarahole. https://t.co/lCnNVvH3cO pic.twitter.com/EJeBwuY65c
— Vikram Uthappa (@vikram_uthappa) January 16, 2020