جمعہ, فروری 14, 2025
اشتہار

انیل کپور حقیقی زندگی میں اہم کردار نبھانے کے لیے تیار

اشتہار

حیرت انگیز

بالی ووڈ کے سینئر اداکار انیل کپور کا کہنا ہے کہ وہ اب اپنی زندگی میں سب سے اہم کردار ’نانا‘ بننے کی تیاری کررہے ہیں۔

بھارتی میڈیا رپورٹس کے مطابق سینئر اداکار انیل کپور کی صاحبزادی سونم کپور نے اپنے ہاں ننھے مہمان کی جلد آمد کی خوشخبری سنائی تھی۔

اداکارہ سونم کپور اور آنند آہوجا نے انسٹاگرام پر مداحوں کو خوشخبری سُناتے ہوئے کہا کہ ہم فیملی میں اس نئے مہمان کا خیر مقدم کرنے کے لیے بے چین ہیں۔

اب سونم کے والد انیل کپورنے ایک پوسٹ شیئر کرتے ہوئے لکھا کہ ’اب اپنی زندگی کے سب سے اہم کردار ’نانا‘ کے لیے تیاری کررہا ہوں۔

انسٹاگرام پر اداکار نے سونم کپور اور آنند آہوجا کی تصاویر کو دوبارہ پوسٹ کیا اور کہا ’ہماری زندگی دوبارہ کبھی ایسی نہیں رہے گی اور میں اس سے زیادہ شکر گزار نہیں ہو سکتا۔‘

انہوں نے سونم کپور اور انند کو ٹیگ کرتے ہوئے مزید کہا کہ آپ نے اس ناقابل یقین خبر سے ہمیں حد سے زیادہ خوش کر دیا ہے.

واضح رہے کہ سونم کپور اور آنند آہوجا کی شادی مئی 2018 میں ہوئی تھی، سونم کپور اداکار انیل کپور اور سنیتا کپور کی سب سے بڑی بیٹی ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں