The news is by your side.

Advertisement

کراچی :عید الاضحی میں قربانی کی کھالوں سے متعلق ضابطہ اخلاق جاری

کراچی: عید الاضحی میں قربانی کی کھالوں کے لئے تمام فلاحی تنظیموں اور اداروں کو ضابطہ اخلاق جاری کردیا گیا ہے۔

کمشنر کراچی کی اجلاس کو بریفنگ گورنر ہاؤس میں عید الاضحی کے موقع پرصفائی اور آلائشیں اٹھانے و ٹھکانے لگانے سے متعلق گورنر سندھ ڈاکٹر عشرت العبادخان کی زیر صدارت اعلیٰ سطحی اجلاس منعقد ہوا جس میں متعلقہ حکام نے گورنر سندھ کو تفصیلی بریفنگ د ی۔

 گورنر سندھ نے ایڈمنسٹریٹر کراچی کو ہدایت کی کہ کراچی میونسپل کا رپوریشن تمام ضلعی میونسپل کا رپوریشنز کے باہمی ربط سے موئثر اور مربوط نظام وضع کرے تاکہ شہر کے کسی بھی علاقے میں گندگی نہ پھیل سکے اس سلسلے میں جراثیم کش ادویات کا اسپرے بھی کیا جائے ۔

ایڈمنسٹریٹر کراچی نے گورنر سندھ کو بتایاکہ ماضی کی نسبت امسال آلائشیں اٹھانے اور انھیں ٹھکانے لگانے کے بہتر اور موئثر انتظامات کئے گئے ہیں اور شہر بھر میں جراثیم کش ادویات کے اسپرے کے لئے بھی تمام تیاریاں مکمل ہیں۔اجلاس میں کمشنر کراچی نے بریفنگ دیتے ہوئے کہا کہ عید الاضحی میں قربانی کی کھالوں کے لئے تمام فلاحی تنظیموں اور اداروں کو ضابطہ اخلاق جاری کردیا گیا ہے ۔

گورنر سندھ نے کمشنر کراچی کو ہدایت کی کہ قربانی کی کھالوں سے حاصل رقوم آپریشن ضرب عضب کے دوران دہشت گردی سے متاثرہ افراد میں صرف کرنے کے لئے تمام فلاحی تنظیموں او ر اداروں کو راغب کریں یہ لوگ زیادہ مستحق ہیں ۔

Print Friendly, PDF & Email

Comments

comments

یہ بھی پڑھیں