site
stats
پاکستان

انیس قائم خانی نے کوئی جُرم نہیں کیا، مصطفی کمال

کراچی: مصطفیٰ کمال کا کہنا ہے انیس قائم خانی نے کوئی جُرم نہیں کیا ان کی ضمانت کیلیے درخواست دیں گے۔

تفصیلات کے مطابق انیس قائم خانی کی گرفتاری کے پر ردعمل کےاظہار میں پریس کانفرنس کرتے ہوئے پاک سر زمین پارٹی کے رہنما مصطفی کمال نے کہا ہے کہ انیس قائم خانی نے کوئی جرم نہیں کیا ،سب کو کچھ جاننے کے باوجود عدالتی فیصلوں پر سر تسلیم خم کر کے انیس بھائی کو جیل چھوڑ کر آئے ہیں۔

انہوں نے کہا کہ انیس قائم خانی نے آج تک کبھی فون پر ڈاکٹر عاصم سے رابطہ نہیں کیا ،انیس قائم خانی کا نام جس جرم میں ڈالا گیا، اس جرم میں وہ ملوث نہیں۔

رہنما پاک سرزمین پارٹی کا کہنا تھا کہ کارکنوں سے تحمل کا مظاہر ہ کرنے کی اپیل کرتے ہوئے کہا کہ پریشان ہونے کی ضرورت نہیں ،صبر اور امن کا مظاہرہ کریں۔

ایم کیو ایم کے قائد کو ایک بار تنقید کا نشانہ بناتے ہوئے مصطفی کمال نے کہا کہ ایم کیو ایم رہنماوں کو گرفتار کر کے ان کے قائد کو رونے کا موقع دیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top