ڈاکٹرعاصم کیس،انیس قائمخانی کی عبوری ضمانت منظور -
The news is by your side.

Advertisement

ڈاکٹرعاصم کیس،انیس قائمخانی کی عبوری ضمانت منظور

کراچی: اے ٹی سی نے ڈاکٹر عاصم کیس میں انیس قائم خانی کی دو لاکھ روپے کی عبوری ضمانت قبل از گرفتاری منظور کرلی۔

انیس قائم خانی ڈاکٹر عاصم کیس میں عدالت کو مطلوب تھے۔انیس قائم خانی پر الزام ہے کہ انھوں نے ڈاکٹر عاصم کے اسپتال میں دہشتگردوں کے علاج و معالجہ میں معاونت کی۔انیس قائم خانی نے عدالت میں موقف اختیار کیا کہ ان پر لگائے جانے والے الزامات بے بنیاد ہیں۔

اے ٹی سی نے ایک اور مقدمے کی سماعت کے دوران اشتعال انگیز تقاریر کرنے پر ایم کیو ایم قائد سمیت دیگر رہنماوں کے ایک بار پھر ناقابل ضمانت وارنٹ جاری کردیا۔عدالت نے متحدہ کے رہنما روف صدیقی سے کہا کہ وہ اپنے دیگر رہنماوں کو بھی عدالت میں پیش ہونے کا کہیں ۔روف صدیقی نے عدالت میں بیان دیا کہ تمام افراد آخر بالغ ہیں انھیں خود پیش ہونا چاہئے جس پرعدالت نے کہا کہ ایسا نہ ہو کہ ہمیں پیمرا کو حکم جاری کرنا پڑے کہ قائد ایم کیو ایم کی طرح دیگر رہنماوں پر بھی ٹی وی پر پابندی لگائی جائے۔

اے ٹی سی نے را کے ایجنٹوں سے متعلق ایک مقدمے کی سماعت کے دوران سی ٹی ڈی کے انسپکٹر سہیل کی عدم حاضری پر برہمی کا اظہار کرتے ہوئے شوکاز نوٹس جاری کردیا۔پولیس نے ایم کیو ایم سے تعلق رکھنے والے پانچ کارکنوں اور را کے ایجنٹ ہونے کے الزام پر گرفتار کیا تھا۔

اسی عدالت میں سنی تحریک کے کارکن کے قتل میں ملوث ایم کیو ایم کے تین کارکنوں کے ناقابل ضمانت وارنٹ گرفتاری بھی جاری کردیا۔

Comments

comments

یہ بھی پڑھیں