لاہور (18 مئی 2026): ڈرگ کوئین انمول پنکی کے کیس کی سماعت سپریم کورٹ میں کرنے کے لیے چیف جسٹس پاکستان کو خط بھجوا دیا دیا گیا۔
سول سوسائٹی کے عبداللہ ملک نے چیف جسٹس پاکستان کو ایک خط ارسال کیا ہے، جس میں کہا گیا ہے کہ منشیات کے حوالے سے 2018 میں چیف جسٹس ثاقب نثار نے ازخود نوٹس لیا تھا، جو ابھی تک زیر سماعت ہے، انمول پنکی کے کیس میں اس حوالے سے اہم شواہد مل سکتے ہیں۔
خط میں استدعا کی گئی ہے کہ چیف جسٹس آف پاکستان انمول پنکی کے کیس کی سماعت سپریم کورٹ میں کرنے کا حکم دیں۔ انمول عرف پنکی کو با اثر مافیا راستے سے ہٹا سکتے ہیں اس لیے اسے فول پروف سیکیورٹی دی جائے۔
انمول پنکی کتنی مرتبہ پاکستان سے باہر گئی؟ ملزمہ اور اسکے شوہرکی ٹریول ہسٹری سامنے آگئی
عبداللہ ملک نے خط میں چیف جسٹس سے یہ استدعا بھی کی ہے کہ تمام آئی جیز سے منشیات کے حوالے سے رپورٹس مانگی جائیں۔
عابد خان اے آروائی نیوز سے وابستہ صحافی ہیں اور عدالتوں سے متعلق رپورٹنگ میں مہارت کے حامل ہیں